Oh My Cow (已結業)

去葵廣掃街,大推呢間oh my cow 手撕雞撈麵👍因為真係好足料好抵食,次次黎都要食距個招牌手撕雞+海蜇+青瓜+撈薯粉,呢個組合真係無得輸😋我同女朋友都食得少少辣,呢間店d辣真係會食上癮,麻到頭皮都痕,但後勁又唔會太狠,總知撈埋一齊真好好食😋不過衛生就差緊d,有次食食下個麵,發現有鋼絲刷d絲係裡面,真係即刻減左不少分🤮整體黎講,論味道同抵食方面,對比葵廣嘅其他撈麵店係無得輸👍但係建議呢間店洗野洗乾淨d

感覺上葵廣愈黎愈多川式、辣野、涼菜食，好耐好耐之前食過呢間小食店，當時未有而家嘅手撕雞撈麵，見間間都賣，就揀間試下。佢啲料用膠盒一份份裝住，工作枱亦比較企理手撕雞撈麵細份$32，自選2款配料，有例如豬耳、豬肚、牛肚、豆腐乾、玉子蛋、雲耳等。第一次食未知辣度如何，就點左少辣試試先。配料我地揀左青瓜、海哲，麵底份量不少，醬汁撈得幾均勻，辣度溫和，如果再訪，我地可以點中辣，哈哈。麵質偏腍身，加上大量花生、芝麻，又幾香口手撕雞稱唔上話好多，過下口癮啦；其餘配料份量適中。整體味道都ok，可以再訪

雞絲冷麵 中辣 冷麵份量多，如果兩個食量細嘅女仔可以一齊share 一碗 ，另外店內有多種口味的小食搭配可供隨意選擇。不建議要雞腎，感覺有些怪味 ，雞絲是必須要的，另外店內飲品也是很便宜.

已經唔記得第幾次幫襯由佢最初頭開鋪到而家，都無變過一樣好食！每次都食撈米線粉皮同冷麵都試過，但無米線咁好食！酸蘿蔔係每次必點！夾住米線同手撕雞一齊食，個味道一流！另外其他餸都好食，無一種特別差食辣嘅人會有好多選擇每次姨姨都會好好人，盡量做到我要嘅無論係多麻少辣，多酸大辣通通都做到如果唔食得太辣，就唔好揀辣手撕雞原味雞都已經好食 總之就係好味！！特別夏天一定會食食過一次就返唔到轉頭！連續食幾日都真係唔會嫌呀！

四川撈叫oh my cow 實在令人無法忘記… 有好多餸揀，而阿姐亦超有心介紹。叫咗雞絲，海蜇，雞腎撈水晶粉皮，大辣。揀完餸就即刻撈俾你。雞絲夠嫩夠多；海蜇係主角，超爽同大塊到好似午餐肉咁闊，同辣味亦超夾，少少一撈已經掛曬辣汁！雞腎呢，就麻麻，不如叫兩份海蜇啦！一樣係唔係太夠辣，不過阿姐勁好人肯之後幫我地加辣。

《葵芳覓食篇》葵芳越來越多小食店，特別係2樓，紅日去非常之多人，迫爆全層。經過見到一間有位婆婆喺度親手整緊手撕雞就吸引了我去幫襯。—————————————————————#豬耳雞絲雞腎涼麵💰32餸菜配料選擇好多，雞絲仲要有辣同唔辣去選擇，粉麵則有四類選擇。醬料方面則有麻醬同辣醬揀，鍾意食麻醬嘅朋友記得要揀多麻醬。店員見我哋冇揀辣，仲建議我哋可以試吓微辣，仲自稱好好味。食落麻醬係撈勻晒每條麵，微辣配麻將味道啱啱好，味道都算重口味。一個人食完一定會好飽。呢個價錢來講，份量非常足料，超好味。睇住個婆婆將一塊塊雞撕開，絕對係值得幫襯。好味指數：8/10

早幾日冇計劃地去咗葵涌廣場，嗰度有唔少小店都有得食麻辣嘢，真係花多眼亂啊！最後老公帶左我去咗呢間小食店 Oh My Cow，我哋叫咗麻辣手撕雞撈麵+雲耳+牛肚，只係$32，嚟到見到真係分量十足！麵條質地口感好，仲有呢度個醬汁係店主獨家調配，真係喺其他地方都食唔到呢種味呀，極之惹味，就算未食，聞到個味都流晒口水！喜歡食麻辣野嘅人一定唔會失望！食完真係幾飽㗎！呢度配料選擇都幾多，好想試吓雞腎、青瓜等等，我一定會再嚟食㗎！

今日同家姐細妹一齊去葵廣到行街食野😋😋😃😃我地首先試左呢間oh my cow🐮見到佢都多人掛隊，我地諗緊食咩好個時，見到前面叫左個手撕雞麪，就即刻跟風買呢個❤️去到個店員話除左手撕雞之外仲可以揀多兩樣小食，我地決定揀牛肚同雲耳。揀完小食之後，店員仲好好問我地要咩辣度、要唔要蔥同莞茜、芝麻😚😚成個麪好好味，啲麪似冷麪既口感、配料充足，辣度亦似合我地既要求👍🏻👍🏻下次再黎葵廣會再買過👅十分推薦大家黎食💦💦

葵涌廣場的食店多如恆海繁星，每次來訪都能發掘意想不到的美食。今天的開心大發現就是位於2樓的「Oh My Cow」。從店名上的解讀，筆者還一度誤以為店舖是出售與牛肉有關的食品。細心查看掛在招牌下的大海報餐牌，才知道店舖主售撈撈冷麵/薯粉。而撈麵以外，「Oh My Cow」也有牛扒杯和各式特飲售賣。筆者今回試了它的招牌菜——手撕雞涼皮。30元一碗的涼皮（麵底另可選冷麵又或紅薯粉），可以自選3個配菜。玻璃櫃內放了大概8-9個配菜，大部分都醃上了辣汁。不過配菜款式並不是固定出現。筆者吃畢離去時，店主才準備好豬耳和薯絲。涼皮的配料還有香葱、芫茜、芝麻和花生，按個人喜好選擇加或不加。筆者就只需要加芝麻，走青走花生。三餸份量非常多，甚至比麵量還要大。筆者選了麻辣手撕雞、豬大腸和豬肚絲作配菜。（手撕雞有不辣的。）三個餸都醃得非常入味，其中豬大腸和豬肚絲皮有咬口。點了小辣的涼皮入口偏爽，愛煙韌口感的朋友則可選薯粉為麵底了。涼皮掛著店家的秘製辣汁，惹味香口。吃罷這碗麻辣粉皮，再到附近購買茶飲解辣。如此輕鬆簡單又一餐！

麻辣撈麵 （少辣）$30/3個餸-葵廣最近開左好多間撈麵，呢間係我其中一間成日會食嘅。 $30 可以揀3個餸，今次揀左豬肚、豬大腸、雲耳。三個餸都好味，而佢嘅豬大腸做得最出色，煮得剛剛好，夠淋，唔會好似橡筋咁，𡁻唔爛。同埋都清理得幾乾淨，冇咩肥膏or 污joe野痴住。-佢d 餸夠晒多，大腸同豬肚食極都有，但雲耳就少左dd。-可以揀麵、涼皮、薯粉。不過好多時涼皮都會賣晒，想要涼皮就要早少少去。-鍾意佢個麻辣，有少少麻、花椒味，如果唔太食得好辣，少辣就啱晒。⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯回頭指數：9/10————————————————————————📍係查里史對面、林昌記斜對面。

手撕雞撈紅薯粉老闆娘毫不吝嗇舀到大大碗俾我地仲要多芫茜加埋芝麻同花生令到成碗野撈完好香好開心啊細碗$30，大碗$38好惹味細碗都裝到滿滿但都係唔夠食因為太好味喇早知嗌大碗啦除左手撕雞，仲有豬耳、豬肚、雲耳，任君選擇

最近同朋友係荃灣上完堂之後就去咗葵廣掃街😎每次去葵廣總係發現有啲鋪頭唔同咗🤔今次就經過喱間鋪頭於是就試一試啲涼麵😆#四川涼麵 ($34)😋好味指數：(6/10)雞肉 豬腸 豬肚可能平時食四川涼拌大多數都係會揀涼皮，所以今次食涼麵感覺就有啲奇怪🤔不過麵嘅份量都幾多😎另外今次就揀咗小辣🌶食落去又真係唔太辣，所以都好適合唔係好食得辣嘅朋友仔架😆👍🏼而且啲餸嘅份量都唔少，食哂成碗都幾飽😜所以同朋友仔share食就可以繼續食其他野😍

已經有一段時間無去葵涌廣場掃街，今次發現呢度川味重左，以前只有重慶酸辣粉，而家三層都有賣四川涼麵、拌麵、麻辣野等…今次之所以會揀呢間小店，全因佢個名夠得意，叫”OH MY COW”。我估可能因為客人食完之後，辣到講唔正OH MY GOD掛…手撕雞涼麵，另外仲可以任選兩個餸($30)，我揀左金錢肚同埋雞腎片職員加左好多醬料，辣油、辣醬、糖漿、麻油、芫茜、芝麻等，唔駛一個字就有得食。估唔到呢個價錢份量咁好、料咁足，而且不單聞落好有麻香，食落都好麻辣。起初食果陣唔會太辣，感覺唔夠味，但原來食得越底，就越麻辣!! 金錢肚好淋且好索味，同個醬汁好夾；雞腎片爽脆，不過就只有表層有味；麵質似冷麵，唔會太淋或太硬，整體好味又飽肚

本黎係長期fans ,但近排多左個帶眼鏡黑色頭髮牙姨撈,比勁小餸好似數住比咁,之前婆婆同後生女比勁多餸,宜家見到佢直頭唔會再買😣😣😣其實$30都算中價,有需要比咁小餸嗎?情願食第二間都唔想食得咁唔開心

眾所周知葵涌廣場多野食，係芸芸多如天上繁星食店中，呢間可以話算係抵食之選點左個手撕雞撈麵，除左雞之外，仲可以選多兩樣餸，店員好快就整好奉上，可以因應喜好要求落辣唔辣我就選左豬腸同埋金錢肚撈埋一齊啲雞肉就咬落嫩滑，豬腸金錢肚入口好爽口有口感，而且份量都唔算少，如果食哂成碗都有飽意，建議最少都落小小辣，更加可口入味