瀛豐放題料理專門店 (已搬遷) 新店位置

越來越凍嘅天氣，就會令大閘蟹越多膏，呢排啲天氣咁凍，食大閘蟹就最fit啦！早兩日去咗瀛豐放題料理專門店食大閘蟹放題😍呢度嘅大閘蟹任食唔嬲，每隻都好生猛，蟹🦀️係中size，放題食呢啲就啱啱好啦，集中食膏，唔會食肉食到飽😂即叫即蒸，熱騰騰地享受美味嘅大閘蟹。最鍾意爆膏帶來嘅漿糊口感，香味纏繞不散，極度享受！而家鍾意食幾多都可以盡情叫喇😍唔使就住食，任食就係爽👍除咗大閘蟹之外，呢度仲有非常之鮮甜嘅生蠔🦪，新鮮程度爆燈，即叫即開😍品種係法國諾曼第生蠔，肉質爽脆並富有大西洋的濃郁海水風味🤤肚仔位亦夠厚肉甘甜，每一隻都可以令舌尖得到盡情嘅享受😎食咗九隻，我覺得好滿足好減壓🤣呢度啲刺身都非常正，睇吓隻牡丹蝦幾巨型，真係個嘴細啲度放唔入！誇張！手掌咁長，食指咁粗，平時吉x島真係賣緊成幾十蚊一隻嗰啲😍甜到入心，食完個嘴變咗心形😂仲仲仲有帶子夾海膽、、三文魚、油甘魚、八爪魚、吞拿魚漬、馬刀貝等等等等，真係數都數唔完咁多款式啊！真係第一次食放題定係食刺身都已經飽啊！