影片
更多
2021-07-23
2224 瀏覽
自助餐呢家嘢真係一分錢一分貨，咁抵嘅自助餐喺食物質素同服務安排方面真係唔太掂🤢...今次就超詳盡咁share返我哋當晚嘅經歷啦！▪️服務安排▪️呢度嘅自助晚餐係冇分時段，而個場又超級爆起碼百幾人食，所以入座又排長龍，拎野食都要排長龍，當中不乏俾人打尖嘅經驗🥲，真係好似返咗大陸要同人搶嘢食咁…▪️環境▪️食物區係得好細，反而座位真係超多，仲開埋好隱蔽但冇咩裝修嘅大房比人坐，重點係堂堂酒店自助餐竟然係有蚊，當晚食緊飯時隻腳已經比蚊咬咗差唔多五啖🤣▪️食物▪️👉前菜：有芝士、煙三文魚等👉海鮮：有蟹腳、青口、蝦、蜆，蟹腳同蝦算正常👉刺身：有三文魚、吞拿魚等...啲刺身係成盤擺喺度比人夾，感覺唔多衛生😖掙扎咗好耐最後拎咗少少三文魚嚟試，食咗頭兩舊覺得厚切幾肥美，點知見到第3舊三文魚表面有幾點綠色嘢就唔敢再食🤮（好彩冇肚痾）👉熱食：真係揀唔落手🤣好似嗰盆羊肉咁真係食唔落，牛扒又冇咩味...最後我為咗飽肚竟然食肉醬意粉👉甜品：有迷你葡撻、麵包布甸、即整pancake、豆腐花、朱古力噴泉、Movenpick雪糕等。Pancake係超厚，得麵粉味唔好食；最正都係Movenpick雪糕有6隻味😍👉飲品方面：連果汁都冇
▪️服務安排▪️
呢度嘅自助晚餐係冇分時段，而個場又超級爆起碼百幾人食，所以入座又排長龍，拎野食都要排長龍，當中不乏俾人打尖嘅經驗🥲，真係好似返咗大陸要同人搶嘢食咁…
▪️環境▪️
食物區係得好細，反而座位真係超多，仲開埋好隱蔽但冇咩裝修嘅大房比人坐，重點係堂堂酒店自助餐竟然係有蚊，當晚食緊飯時隻腳已經比蚊咬咗差唔多五啖🤣
▪️食物▪️
👉前菜：有芝士、煙三文魚等
👉海鮮：有蟹腳、青口、蝦、蜆，蟹腳同蝦算正常
👉刺身：有三文魚、吞拿魚等...啲刺身係成盤擺喺度比人夾，感覺唔多衛生😖掙扎咗好耐最後拎咗少少三文魚嚟試，食咗頭兩舊覺得厚切幾肥美，點知見到第3舊三文魚表面有幾點綠色嘢就唔敢再食🤮（好彩冇肚痾）
👉熱食：真係揀唔落手🤣好似嗰盆羊肉咁真係食唔落，牛扒又冇咩味...最後我為咗飽肚竟然食肉醬意粉
👉甜品：有迷你葡撻、麵包布甸、即整pancake、豆腐花、朱古力噴泉、Movenpick雪糕等。Pancake係超厚，得麵粉味唔好食；最正都係Movenpick雪糕有6隻味😍
👉飲品方面：連果汁都冇，得水、檸水、咖啡，仲有珍珠奶茶（熱嘅奶茶比你自己加珍珠🤣）
張貼
