山見台式火鍋 (如心廣場一期)

營業中

休息中

早排見到如心廣場開左間新嘅台式火鍋店好吸引, 於是今晚就約埋朋友一齊試下! 餐廳環境好大, 入門口位置有十分車站牌同山見號, 又有大量台灣夜市招牌, 好有台灣feel, 沿路行會見到旁邊放有大量台灣小食飲品, 黃金地瓜球／地瓜薯條／特色芋圓甜品同雪糕, 台灣獨有既罐裝飲品/麵食, 台式麵線／肉燥飯等等, 行到中間仲有一個郵筒可以免費寄postcard! 經過一條擺滿許願牌嘅隧道就會到餐枱嘅位置, 枱與枱之間都有足夠空間, 坐得幾舒服, 周圍都坐滿哂人, 更有圍裙提供相當貼心! 餐廳提供多款套餐選擇, 難得嚟到當然食豪d試最貴嘅殿堂和牛海鮮吃到飽套餐! 湯底可以揀單拼／雙拼, 都有唔少選擇而且有本店限定湯底!⭐薑母鴨/養生藥膳雞湯兩款都係店員極推薦嘅湯底, 一嚟到真係幾香, 味道濃郁又養生, 湯汁清甜滋補, 飲完暖笠笠⭐蘋果愛玉綠茶⭐荔枝椰果紅茶 肉類方面都有唔少選擇, 澳洲和牛牛胸腹/月見封門柳/嫩肩里肌肉(牛肩胛肉)/美國穀飼黑毛豬/精選梅花肉/嚴選豚五花/澳洲和牛肩胛肉眼/無骨牛小排/ 牛五花/牛朴肉/羊肉卷/牛栢葉／牛頸脊等等, 整體油脂分怖平均, 肉味濃郁, 口感柔嫩 海鮮脆肉