鍋 (已結業)

最近開始轉涼，係食鍋物的時候！呢日收工經過這小店裝修滿不錯，門口枱上放住清酒加火鍋好搶眼吸引我停低，白木色調光猛舒服又有梳化位，喜歡座位上面好多貓貓同韓式啤酒小擺設，牆上掛住韓式小食畫作，好有心思，再聽住韓文歌好有feel!!.海鮮部隊鍋 $368炸紫菜粉絲卷 $78朱古力牛奶沙冰 $45真露青葡萄味 $68.海鮮部隊鍋超大鍋一上枱即心心眼😍好豐富滿滿的海鮮🤩有蝦、鮑魚、午餐肉、豆腐、年糕、冬菇、金菇、魚腐、魚糕、泡菜、茄汁豆、香菜、芽菜、洋蔥，韓式口味香辣十足，湯底鮮味味道正宗，最鐘意蝦勁鮮又彈牙👍🏻食到一半再加辛辣麵，超級正😋.小食紫菜卷一樣出色，脆卜卜熱辣辣，出面紫菜入面粉絲，點韓式辣醬正🤤配菜芽菜和泡菜好好味，有得refill食左勁多😂泡菜原來係自家制🤩.難得食韓國菜緊係飲杯燒酒，呢款真露唔係成日見，比平時飲開易入口幾岩女仔飲，甜甜地提子口味👍🏻另一杯沙冰大大杯賣相好吸睛🤩濃厚朱古力口味好解辣🍫.滿驚喜的小店！味道正宗原來老闆老婆係韓國人難怪咁出色👍🏻店員友善細心，會主動幫我地加湯，又提供圍裙，值得再訪的韓式小店👍🏻