船皇 (謝斐道) (已結業)

今日突然間想食泰國船麵，見到呢間嘢叫船皇應該就好正。今次我想講吓啲飲品先，因為佢哋呢度隻杯真係好得意。我叫咗杯泰仔奶茶，原本我對泰國奶茶嘅印象就係甜到飲唔到，但係呢度為咗符合返香港嘅口味，所以佢個甜度係調節過，我覺得啱啱好。另一杯青檸梳打喺未食嘢之前，我朋友話覺得好酸，但係食完啲辣嘢之後，佢又覺得杯嘢山啱啱好又可以解辣。睇到佢個餐牌啲船麵有得揀大細，細嘅只係$12一碗，好奇心驅使之下令我想睇吓佢到底有幾細。所以我叫咗個雞絲雞翼撈蒙。嚟到原來真係得兩啖，俾你試吓味。正餐揀咗碗豬嘅船麵，分別有豬腩肉，豬潤同埋豬肉丸。呢度嘅湯底係用牛骨湯，但係其實味道就唔會太濃。而呢度嘅河粉都係一片片，大大片，但係我覺得佢呢個大碗就真係太大碗，我覺得呢份真係太多，自己真係食唔晒。你朋友就叫咗個滷水雞髀撈麵，佢個雞髀啲肉真係好嫩，同埋個撈麵汁真係好正。你叫仲有幾個小食，其中一個係跟餐嘅酸辣鳳爪，酸酸辣辣都幾開胃。另外我哋叫做三串魷魚鬚，串燒會有三款汁俾你揀，呢走我地揀左泰式辣汁，呢個汁都係酸酸辣辣，好開胃。另外仲叫左三串豬頸肉，佢呢度啲豬頸肉好爽，呢個就配沙嗲汁，都幾惹味架。