影片
更多
2020-09-24
173 瀏覽
▲天吉屋嘅丼飯真係太巨型，即便2個女生share都無問題！乖乖地忍口減肥（幾時有？），偶然都要食下邪惡嘢，比自己放下假！🙈今轉我就嚟朗豪坊嘅天吉屋覓食～呢間過江龍舊年6月已經嚟咗香港，我都係最近先去食～呢度出名炸天婦羅丼飯，以獨特油粉比例，令炸物擁有特薄炸皮，且口感份外爽脆！其中，佢哋嘅主打天吉丼，仲連續五度蟬聯日本全國丼聯盟全國丼評比大賽之天丼部門金賞獎添！真係威名遠播！難得嘅係，佢哋咁有名，食物份量大，位置又要喺朗豪坊，一個丼飯都係賣緊百零蚊，真心唔算貴，CP值幾高！▲朗豪坊食飯嚟講，天吉屋都算CP值高。▲店內裝修以簡約和風格調為主。▲每份丼飯都有極多天掃羅，份量勁多，非常誇張。✦天吉丼 呢碗丼飯一上枱，份量大到嚇死人，成碗丼有我2/3個頭咁大！正常女仔實食唔晒！😂丼上有黑虎蝦、魷魚、海紅鯛、茄子、南瓜、四季豆、炸紫菜，以及溫泉蛋，勁多餸！我覺得最得意喺佢哋嘅黑虎蝦，一舊天掃羅連住2條炸蝦，睇Menu介紹就話呢種炸法為「雙蝦」炸法，係天吉屋獨創嘅，目的係令炸蝦口感更豐富。個人覺得都ok，蝦肉雖比傳統一條過嘅巨型炸蝦少，但因為佢炸皮脆薄，咬上口唔膩，反而幾突出蝦肉嘅鮮甜味
乖乖地忍口減肥（幾時有？），偶然都要食下邪惡嘢，比自己放下假！🙈
今轉我就嚟朗豪坊嘅天吉屋覓食～呢間過江龍舊年6月已經嚟咗香港，我都係最近先去食～
呢度出名炸天婦羅丼飯，以獨特油粉比例，令炸物擁有特薄炸皮，且口感份外爽脆！其中，佢哋嘅主打天吉丼，仲連續五度蟬聯日本全國丼聯盟全國丼評比大賽之天丼部門金賞獎添！真係威名遠播！
難得嘅係，佢哋咁有名，食物份量大，位置又要喺朗豪坊，一個丼飯都係賣緊百零蚊，真心唔算貴，CP值幾高！
▲朗豪坊食飯嚟講，天吉屋都算CP值高。
▲店內裝修以簡約和風格調為主。
天吉丼
$118
108 瀏覽
0 讚好
0 留言
✦天吉丼
呢碗丼飯一上枱，份量大到嚇死人，成碗丼有我2/3個頭咁大！正常女仔實食唔晒！😂
丼上有黑虎蝦、魷魚、海紅鯛、茄子、南瓜、四季豆、炸紫菜，以及溫泉蛋，勁多餸！
我覺得最得意喺佢哋嘅黑虎蝦，一舊天掃羅連住2條炸蝦，睇Menu介紹就話呢種炸法為「雙蝦」炸法，係天吉屋獨創嘅，目的係令炸蝦口感更豐富。個人覺得都ok，蝦肉雖比傳統一條過嘅巨型炸蝦少，但因為佢炸皮脆薄，咬上口唔膩，反而幾突出蝦肉嘅鮮甜味！其次，我勁鍾意佢哋嘅溫泉蛋，係酥脆嘅炸皮下，雞蛋仍保持濃郁嘅流質，咬開嗰下爆蛋汁，成件事好治癒！
炸軟殼蟹丼（香港限定）
$158
150 瀏覽
0 讚好
0 留言
▲天掃羅溫泉蛋，入面嘅蛋液仲好流心，非常正！✦炸軟殼蟹丼（香港限定）
見係香港限定，然後就忍唔住點了。呢個丼一樣勁大份！除咗炸軟殼蟹，仲有什錦炸物、茄子、南瓜及溫泉蛋！😂
佢哋嘅炸軟殼蟹係越南入貨，出名大隻，我覺得佢哋店處理得幾好，個炸皮好脆薄，比出面食到嘅炸軟殼蟹更香口。蟹肉唔腥，中間仲有少少蟹膏，好肥美呢！另外，佢哋個什錦炸物係皇帝菜＋櫻花蝦，香口得嚟口感幾好。
天吉雙品
$108
37 瀏覽
0 讚好
0 留言
✦天吉雙品
呢款份量相對比較細，除咗一碗炸物（什錦炸物、黑虎蝦、茄子、四季豆及溫泉蛋），仲可揀冷烏冬或溫烏冬。我今次揀冷烏冬，烏冬好彈牙，上面有柚子皮、紫菜同芝麻，清清甜甜，幾高質。
除咗食天婦羅丼飯，見到門口嘅亮眼新品海報，我又忍唔住掃埋佢哋新出嘅天蝦飯團便當！🤤❤️🍘家中媽媽唔食生冷嘢，呢類炸蝦飯團便當就啱晒佢！每件飯團都用北海道七星米加秘製天丼醬油製成，上面仲有原隻炸蝦，食上口 鹹鹹甜甜，啖啖肉，味道唔錯！
今次天蝦飯團便當有分兩款，分別有6件裝及12件裝，6件裝會配竹輪、甜蛋等配菜，多啲花臣；12件裝則以量取勝，專為飯怪而設。
而家，天蝦飯團便當外賣自取仲做緊8折，圍返開一盒都係6-70蚊左右，真係幾抵食！非常適合餵飽肌餓家人！😏
天蝦飯團便當(6件)
$62
39 瀏覽
0 讚好
0 留言
天蝦飯團便當(12件)
$70
28 瀏覽
0 讚好
0 留言
張貼
