Arcadia

營業中

休息中

之前已經嚟過一次，今次朋友想食就同佢過嚟慶祝生日，呢度環境佈置好有心機，好多打卡位，非常適合我哋，而且店員服務都非常好，見我哋影相即刻問我哋使唔使幫手。海膽三文魚子配多士海膽鮮甜美味，三文魚子粒粒飽滿，份量非常多，多士烘到外脆內軟。傳統香烤虎蝦配亞洲風味蔬菜虎蝦鮮甜可口，肉質非常彈牙，亞洲風味蔬菜有椰菜花，白菜，青豆，蕃茄等，估唔到味道好夾。澳洲M3和牛肉眼扒肉眼扒五成熟一切開充滿肉汁，食落牛肉味道濃郁，口感非常軟林，加上醬汁10分惹味。Flamingo西柚和橙味道酸酸甜甜，非常開胃，加上溶咗Flamingo造型杯很可愛。Pheromone係新出嘅Cocktail，顏色帶有少少藍調，加上煙燻效果，一上枱要即刻影相，酒精味道比較濃郁。