Flames (黃埔天地)

營業中

休息中

如果第一次去西餐廳，我通常會點牛扒，或者pasta類的食物，因為比較穩陣。但今次忽發奇想試下薄餅，點知好有驚喜！卡邦尼薄餅 $168一上枱就見到薄餅與別不同，薄餅邊雖然厚身，但烘烤得好乾、好脆，好似喺窯爐即席烤焗出來的感覺，拎住薄餅邊時仲聽到「脆卜卜」的聲音添，正！薄餅材料亦相當豐富，除咗有carbonara常見的意式煙肉、忌廉、意大利奶酪芝士、巴馬臣芝士、mozzarella芝士之外，每件薄餅上面都有隻烘烤的鵪鶉蛋，切一切鵪鶉蛋就發現，入面啲蛋漿會緩緩流出，令薄餅整體口感無咁heavy，多一份蛋香，好味！10安士肉眼扒配忌廉薯蓉 $268比起pizza，牛扒就相對不過不失。我選擇咗五成熟的牛扒，外層帶點焦香，入面仲有少許粉紅色，食落充滿肉汁，而且肉質軟身，不會變乾柴。忌廉薯蓉有黑松露加持，勁香，如果熱番少少味道會更好！澳式雞鹽薯條 跟餐$48就咁睇以為薯條無乜特別，表面鹽粉不太多，但食落都幾夠鹹，唔使沾茄汁都好食。Nuts Bout Tella Shake $78朱古力榛子口味的奶昔，加埋鋪面的忌廉，好邪惡！餐廳裝潢摩登，坐喺馬蹄形sofa的話感覺幾cozy。