影片
更多
2019-07-16
189 瀏覽
今晚去左位於銅鑼灣酒吧街嘅樓上餐廳食法日 Fusion 菜餐廳格局以夢幻佈置為主, 所以四周都會見到羽毛嘅擺設餐廳仲有室外座位晚市提供 4 Course、6 Course 及 8 Course 嘅 Dinner Set, 當中有 D 菜式由廚師發辦, 充滿神秘感Amuse Bouche Amuse Bouche 即係正式上主菜前嘅開胃小食, 今晚嘅 Amuse Bouche 係龍蝦他他, 口感清新, 龍蝦肉非常鮮甜自家製麵包麵包係餐廳自家製, 用個麻袋裝住, 黎到仲係熱辣辣, 有法包 (夠脆口) & 牛角包 (夠酥香) 兩款Pan Seared Hokkaido Scallop賣相非常特別, 帶子放左喺個大貝殼上, 旁邊有隻小蟹仔, 好有海灘 Feel北海道刺身級帶子兩邊微微煎香, 上面放左幾粒三文魚籽, 底下配有 Mustard Sauce & 用青豆整成嘅 Sauce帶子肥大肉厚, 中間仍保留到刺身嘅口感, 而兩款 Sauce 仲充分突出帶子濃濃嘅鮮甜味 小閘蟹以醬油浸過, 再慢慢烘乾, 非常入味, 而且超級香脆其實個大貝殼下面亦有乾坤, 就係用左開心果 Crumble & 竹炭曲
餐廳格局以夢幻佈置為主, 所以四周都會見到羽毛嘅擺設
餐廳仲有室外座位
晚市提供 4 Course、6 Course 及 8 Course 嘅 Dinner Set, 當中有 D 菜式由廚師發辦, 充滿神秘感
Amuse Bouche
Amuse Bouche 即係正式上主菜前嘅開胃小食, 今晚嘅 Amuse Bouche 係龍蝦他他, 口感清新, 龍蝦肉非常鮮甜
自家製麵包
麵包係餐廳自家製, 用個麻袋裝住, 黎到仲係熱辣辣, 有法包 (夠脆口) & 牛角包 (夠酥香) 兩款
Pan Seared Hokkaido Scallop
賣相非常特別, 帶子放左喺個大貝殼上, 旁邊有隻小蟹仔, 好有海灘 Feel
北海道刺身級帶子兩邊微微煎香, 上面放左幾粒三文魚籽, 底下配有 Mustard Sauce & 用青豆整成嘅 Sauce
帶子肥大肉厚, 中間仍保留到刺身嘅口感, 而兩款 Sauce 仲充分突出帶子濃濃嘅鮮甜味
小閘蟹以醬油浸過, 再慢慢烘乾, 非常入味, 而且超級香脆
其實個大貝殼下面亦有乾坤, 就係用左開心果 Crumble & 竹炭曲奇搭成一個營火, 又好味又有創意
Surprise Dish
第 2 道係廚師發辦嘅菜式, 當你以為有龍蝦尾食嘅時間, 咁你就錯喇
拎開個龍蝦尾殼, 原來係日本松葉蟹雞蛋沙律, 以拿破崙蛋糕嘅做法, 一層層鋪上所有食材｡ 首先最上層係水蜜桃片加上法國黑魚子, 然後係日本松葉蟹肉, 最底層係蛋沙律, 旁邊仲配有芒果醬 & 紅莓醬
Lobster Tail
呢條波士頓龍蝦尾以慢煮嘅方法煮熟, 所以肉質係超級鮮嫩彈牙, 另外配上 3 款 Sauce: 菠菜泡沫 (以分子料理方法整成)、三重胡椒 Sauce (用左黑椒青椒四川辣椒製成) & 芥末籽忌廉 Sauce, 旁邊仲有新鮮青胡椒 & 炸新鮮山葵葉
Surprise Dish
第 4 道菜又係廚師發辦, 日本磯燒鮑魚配昆布高湯
日本磯燒鮑魚用左 12 小時慢煮, 煮熟後再喺旁邊以玫瑰露酒點火, 令鮑魚吸收左玫瑰露酒嘅香味｡ 昆布高湯加入紅蘿蔔、日本大根、日本大蔥, 所以味道非常鮮甜
Japanese Cod Fish
用左日本刺身級鱈魚, 先煎後焗, 令鱈魚肉嫩滑多汁, 配埋清新嘅蕃茄莎莎 & 用紅花粉及蜆肉打成嘅 Sauce, 味道簡直令人回味無窮
Kagoshima
鹿兒島 A4 和牛柳輕煎到約 5 成熟, 肉嘅中心仍然係嫩紅, 由於油脂分佈均勻, 所以肉質幼嫩細滑, 肉味濃, 用埋和牛本身嘅肉汁再加上黑松露製成嘅 Sauce, 令肉味更加突出
配菜有蘆筍、枝豆、日本黃油菌及南瓜醬
Chocolate Trio
呢個朱古力三重奏絕對係朱古力控嘅大愛, 首先係朱古力雪糕配朱古力脆片榛子醬, 然後有朱古力 Brownie 配香蕉蛋糕, 表面放左朱古力碎 & 香蕉片, 最後係 72 度朱古力奶, 食到滿口都係朱古力味, 大滿足 !!
Coconut Sweet
用椰子慕絲及朱古力整成一個椰子模樣, 椰香味十足, 而且非常清新, 旁邊加入甘筍蛋糕、白朱古力 Rock、蛋白餅、藍莓、橙皮絲 & 南瓜醬
Mignardises & Drink
餐茶會另配兩款小甜點 (朱古力蛋糕 & 鮮果 Puff)
張貼
