影片
更多
2013-01-03
548 瀏覽
上星期六約咗兩個朋友食飯，之後再同其他人喺諾士佛台飲嘢。佢哋兩個訂咗枱喺「聚」手工火鍋，話喺諾士佛台口，好近，而且好多雜誌都有介紹，好想試試。講真，我本來想反對，因為好驚打邊爐之後周身味，再去飲嘢好唔舒服。不過小數服從多數，只好跟大隊啦！佢哋正門喺金巴利道，就喺屋企成日去飲茶嘅福臨門隔幾個舖，上一層樓梯就係。第一眼睇裝修一啲都唔似港式打邊爐，好舒服乾淨，似新式日式食店多啲。最 surprise 係無咩味，通風應該好好，即時放心好多。我哋只有三個女仔，所以叫唔到太多嘢：1）炸小魚花生：每枱都有嘅，炸得好 crispy，無油益味。2）磯燒鮑魚：見到好多枱都叫魚生拼盤，超靚。問經理佢話係飛機貨，師傅係做正宗日本菜出身，唔怪得知。我哋人少，就叫一份磯燒鮑魚做前菜，好甜好新鮮！3）花膠煲雞湯底：天氣凍，決定叫個滋潤嘅湯底。我哋叫半隻雞（人多可以揀跟一隻雞），估唔到係生嘅上枱，清楚見到係新鮮雞，唔係冰鮮貨！放落湯底滾起先飲一碗，仲有豬腳筋、妃子、龍眼等等，超甜，同燉湯一樣，驚喜！隻雞好鮮，估唔到打邊爐嘅地方會咁重本！4）牛邊位：我唔食牛肉，試唔到。但係兩個朋友都話好鮮好夠牛味，女仔人家食晒一大碟，
上星期六約咗兩個朋友食飯，之後再同其他人喺諾士佛台飲嘢。佢哋兩個訂咗枱喺「聚」手工火鍋，話喺諾士佛台口，好近，而且好多雜誌都有介紹，好想試試。講真，我本來想反對，因為好驚打邊爐之後周身味，再去飲嘢好唔舒服。不過小數服從多數，只好跟大隊啦！
佢哋正門喺金巴利道，就喺屋企成日去飲茶嘅福臨門隔幾個舖，上一層樓梯就係。第一眼睇裝修一啲都唔似港式打邊爐，好舒服乾淨，似新式日式食店多啲。最 surprise 係無咩味，通風應該好好，即時放心好多。
我哋只有三個女仔，所以叫唔到太多嘢：
1）炸小魚花生：每枱都有嘅，炸得好 crispy，無油益味。
2）磯燒鮑魚：見到好多枱都叫魚生拼盤，超靚。問經理佢話係飛機貨，師傅係做正宗日本菜出身，唔怪得知。我哋人少，就叫一份磯燒鮑魚做前菜，好甜好新鮮！
3）花膠煲雞湯底：天氣凍，決定叫個滋潤嘅湯底。我哋叫半隻雞（人多可以揀跟一隻雞），估唔到係生嘅上枱，清楚見到係新鮮雞，唔係冰鮮貨！放落湯底滾起先飲一碗，仲有豬腳筋、妃子、龍眼等等，超甜，同燉湯一樣，驚喜！隻雞好鮮，估唔到打邊爐嘅地方會咁重本！
4）牛邊位：我唔食牛肉，試唔到。但係兩個朋友都話好鮮好夠牛味，女仔人家食晒一大碟，嚇親人。
5）水餃併松露素餃：足料、味道好，尤其松露素餃，好香，唔係好多食店用精油果種假味。
6）芝士獅子狗：魚蛋鬆軟，芝士滾起變流心，正！
7）桶蠔、珊瑚蚌：每樣食咗一半，叫侍應放埋一碟先記得影相，嘻嘻。掛住食唔記得影相，就知好味啦！
8）生果甜品併盤：打邊爐永遠最尾都淨係有西瓜，依度竟然有甜品，仲要係送嘅，驚喜 again！有菠蘿雪葩、朩槺布丁同朱古力蛋糕。係 homemade 果種，外表平實，但係簡單好味！
依餐飯真係食得好開心，好驚喜，估唔到香港終於有好似台灣果種精品火鍋！朋友仔乘機訓話，唔好成日淨係去老字號或者酒店！知道知道！我哋當晚約咗十幾人再嚟，可以咩都叫，放滿一大枱！PS：食完成餐飯，我咁長頭髮又著厚衫，竟然一啲味都無，點解做到嘅呢？神奇！
張貼
