蓉玥

營業中

休息中

已經第三次嚟食下午茶，今次試咗個姬松茸豬肚雞寬薯粉。其實齋聽個名已經覺得裏面有唔少嘢，點知碗寬薯粉嚟到之後更加令人驚喜，裏面除咗有顧名思義嘅姬松茸、豬肚、雞、寬薯粉之外，另外仲有支竹，少少紹菜同埋杞子點綴。雞件用酒輕輕醃過，雞肉咬落彈牙，有少少酒香。 豬肚爽脆，雞湯香濃，加埋姬松茸、杞子，非常健康補身。跟餐仲有例湯蘿蔔雞腳湯同埋餐飲送。我全部湯都飲曬，返到屋企都唔會頸頸渴應該冇乜味精。 之前食過桂花蜜班塊客飯都相當唔錯。 下午茶價錢更加無得輸。不過食下午茶要注意四點半至五點半東家用膳唔開門。 外區人淨係識得排大隊食魚蛋粉，唔會行過兩間舖頭試真係走寶。