影片
更多
2022-12-19
21 瀏覽
今日 lunch 同屋企人去咗鄰近啟德站嘅十二味食四川菜，去嘉峯匯都好近，餐廳好大好闊落，仲有好大嘅落地玻璃，所以好光猛，仲可以望到對面嘅獅子山添！坐底咗就用 QR code 落單，每人有一小碟嘅前菜，裏面有辣椒肉碎豆角同青瓜，辣辣地都幾開胃。Lunch set 叫咗酸菜魚配粉條套餐 & 腰果宮保雞丁套餐，餐飲我就叫咗慾望酸梅 & 桂花冰釀，小食叫咗個涼拌土豆絲，甜品就叫咗紅糖糍粑。小食涼拌土豆絲好爽脆，味道酸酸辣辣好開胃，可以挑選唔同辣度。雖然係午市套餐，但係份量都大碟！酸菜魚除咗可以揀辣度外，仲可以揀少油！酸菜魚嘅魚肉好滑，份條又好彈牙！裏面仲有酸菜同埋菇，今次叫咗中辣啱啱好，又麻又辣好正！上面中灑咗啲菊花嘅花瓣點綴，賣相都唔錯！套餐仲跟咗碗白飯，如果唔食到咁多可以揀少飯。另一個套餐腰果宮保雞丁又係好好味！落單嘅時候可以揀少鹽少油，雖然碟餸好多乾辣椒，但真係一啲都唔辣，但有辣椒嘅香味，啲汁甜甜地，腰果又脆，夾埋好 match！杯慾望酸梅一上枱嚇親我！勁大隻玻璃杯！裏面仲加咗一片檸檬吊下味，食完辣嘢飲返杯酸梅湯又係好夾。杯桂花冰釀甜甜地，好香桂花味，配埋個小酒瓶同小杯特別有風味。紅糖
坐底咗就用 QR code 落單，每人有一小碟嘅前菜，裏面有辣椒肉碎豆角同青瓜，辣辣地都幾開胃。
Lunch set 叫咗酸菜魚配粉條套餐 & 腰果宮保雞丁套餐，餐飲我就叫咗慾望酸梅 & 桂花冰釀，小食叫咗個涼拌土豆絲，甜品就叫咗紅糖糍粑。
小食涼拌土豆絲好爽脆，味道酸酸辣辣好開胃，可以挑選唔同辣度。
雖然係午市套餐，但係份量都大碟！酸菜魚除咗可以揀辣度外，仲可以揀少油！酸菜魚嘅魚肉好滑，份條又好彈牙！裏面仲有酸菜同埋菇，今次叫咗中辣啱啱好，又麻又辣好正！上面中灑咗啲菊花嘅花瓣點綴，賣相都唔錯！套餐仲跟咗碗白飯，如果唔食到咁多可以揀少飯。
另一個套餐腰果宮保雞丁又係好好味！落單嘅時候可以揀少鹽少油，雖然碟餸好多乾辣椒，但真係一啲都唔辣，但有辣椒嘅香味，啲汁甜甜地，腰果又脆，夾埋好 match！
杯慾望酸梅一上枱嚇親我！勁大隻玻璃杯！裏面仲加咗一片檸檬吊下味，食完辣嘢飲返杯酸梅湯又係好夾。
杯桂花冰釀甜甜地，好香桂花味，配埋個小酒瓶同小杯特別有風味。
紅糖糍粑係食四川菜必叫嘅，即炸完出嚟熱辣辣，外脆內煙靭，點完紅糖再點落啲黃豆粉一齊食真係好正！
幺妹兒冰粉裏面有啲提子乾、桂花、紅糖，配埋有咬口嘅冰粉又係好夾，甜甜地又有桂花香，好滿足！
我覺得十二味嘅性價比真係好高！下次要再過嚟食！好好味～
張貼
