Outdark (飛達商業中心)

營業中

休息中

網上好多人推介呢一間喺旺角嘅韓國餐廳，今日放工終於有機會嚟試，餐廳嘅環境比較暗，有情調，坐落都幾舒服，俾人感覺幾高級。最吸引我嘅目光係佢嘅Menu設計，除咗吸引嘅食物相，仲有啲公仔教你食法，非常吸睛！而且全部菜式都係韓國人煮料，menu上嘅食物都係自製㗎！佢哋最近做緊一個promotion，只要喺OpenRice度投票佢哋間餐廳，就可以免費請你食兩粒cheese ball！我哋嗌咗一碟原味炸雞、韓式炒牛肉同埋泡菜豬肉飯，炸雞即叫即炸，熱辣辣非常新鮮，繼續非常嫩滑，而且超級Juicy，啖啖都爆汁，外脆內軟，令人回味嘅韓式炸雞，除咗炸雞之外，仲有好多薯條薯格，超級抵食！韓式炒牛肉嘅份量都好大，牛肉都好軟滑，有微微嘅蜜糖甜味，仲有好大份金菇做配菜，真係幾好食！最後泡菜豬肉飯都同樣出色，隻蛋煎到係流心嘅，撈埋落啲飯到，好夾，豬肉都好入味，配埋爽口嘅泡菜，唔算辣，但係口感好豐富！最後我哋仲嗌咗一杯柚子梳打，有驚喜，佢加咗好多果肉，淡淡果肉再加埋梳打，成件事好fresh！整體嚟講呢個價錢食到咁高質素嘅韓式餐廳，真係超級抵食，下次一定約埋朋友再嚟試過！#outdark