影片
更多
2022-11-30
86 瀏覽
朋友生日搵間餐廳可以慢慢坐，有得打卡又可以食正嘢，真係搵咗好耐好耐，先搵到呢間新開無耐嘅餐廳，我見評價唔錯一於大膽試吓，不過食完之後我哋都覺得性價比高，值得推介。一嚟到餐廳見到餐牌價錢合理，先點2杯飲品，我杯凍飲Tiramisu coffee ，味道濃郁，朱古力同濃濃咖啡完美融合。而綠茶latte見到隻三眼仔，已經非常吸精，味道亦都好正宗唔會好甜，綠茶有少少苦澀回甘味配合鮮奶，又香又滑。前菜叫咗呢碟喺侍應推介，紅蝦刺身配多士，唸唔到西餐廳食刺身都咁好味，好新鮮有蝦味，配埋多士脆卜卜，正！主菜青口多士，呢碟作為主菜就份量少咗啲，不過味道就好好，醬汁好creamy，如果多士加到三至四件可以點多啲醬汁食就更加好。呢碟慢煮牛又比想像中多同超級大嚿，係大到好似成個頭咁大，好誇張，和牛肉質軟稔，味道濃郁充滿牛肉香味，大大舊仲要配埋薯仔，絕對係飽肚之選。原本叫甜品係為咗慶祝朋友生日，同埋賣相太靚忍唔住點左兩款甜品，一款係好似日本富士山，寓意希望我哋可以盡快去日本旅行，賣相唔使講非常好，打卡一流，綠茶布丁口感好滑溜，配埋脆卜卜嘅朱古力碎，好味。另一款蘑菇甜品，我純粹覺得賣相好靚，點嚟諗住影吓相，呃下l
前菜叫咗呢碟喺侍應推介，紅蝦刺身配多士，唸唔到西餐廳食刺身都咁好味，好新鮮有蝦味，配埋多士脆卜卜，正！
主菜青口多士，呢碟作為主菜就份量少咗啲，不過味道就好好，醬汁好creamy，如果多士加到三至四件可以點多啲醬汁食就更加好。
呢碟慢煮牛又比想像中多同超級大嚿，係大到好似成個頭咁大，好誇張，和牛肉質軟稔，味道濃郁充滿牛肉香味，大大舊仲要配埋薯仔，絕對係飽肚之選。
原本叫甜品係為咗慶祝朋友生日，同埋賣相太靚忍唔住點左兩款甜品，一款係好似日本富士山，寓意希望我哋可以盡快去日本旅行，賣相唔使講非常好，打卡一流，綠茶布丁口感好滑溜，配埋脆卜卜嘅朱古力碎，好味。
另一款蘑菇甜品，我純粹覺得賣相好靚，點嚟諗住影吓相，呃下like，點知食落口出奇好味，真係非常驚喜，朱古力脆皮好脆口，入邊酸酸甜甜嘅乳酪，仲有蛋糕又有布丁口感，一款甜品好似食到兩三款甜品嘅味道，絕對推介真心好味。
雖然以小店來埋單$1000唔係平，但其實真心對得住個價錢，因為食物質素真係好高，而且超多打卡位，店員亦都好好，我哋埋單之後，不停影相影咗半個鐘頭都冇趕我哋走😂😂
張貼
