漁獲浜燒 (已結業)

一直都覺得高質日本野食好難搵，但漁獲浜燒真係超高水準，值得推薦。先黎活象拔蚌刺身，超新鮮，又鮮甜又爽口，簡直食唔停口。沖繩風沙律，份量好多，有沖繩特產海葡萄同沖繩苦瓜，配上厚切粗條刺身，包括︰三文魚、帶子，章魚，拖羅，超滑無筋，而且蔬菜好新鮮鮮甜，調味又好，夠開胃。味噌蟹甲羅燒配多士，店員在我們面前細心地燒，只是看已令人流晒口水！食落熱辣辣，蟹膏味道十分濃郁，配埋脆脆多士，正！蟹釜飯，大大隻毛蟹，賣相已經無得輸，啖啖鮮甜蟹肉，不得不試！最後食埋柚子雪葩及椰子雪糕，柚子清新、椰子香滑，為這豐盛一餐劃上完美句號！