竹壽司 (已搬遷) 新店位置

用餐時剛新開左兩個禮拜，唔知係唔係呢個原因，個日d料特別靚，仲有兩個日籍師父serve，一個(魚當)魚，一個握壽司，本地師父再介紹係乜野魚，來自邊個縣，真係冇得頂，果然係銀座名店既質素。叫左個壽司set，前菜有帶子群邊，麻醬沙律，感覺好fresh。首先黎既係青森大間野生藍鰭大拖羅，入口軟棉，鮮味濃鮪，完全唔係一般今村，Hiro 可比。由於係江戶前壽司，每件壽司師父都會調味，令到你可以真正品嘗到壽司既精髓，就好似牛扒要落鹽，蒸魚要豉油一樣。中間有件車海老又係驚喜，先輕灼再用冰急凍，師父再介紹佢咁做既原因，直頭好似魚至囂咁！Uni 係鹽水浸既，並冇木板Uni果D有防腐劑。最後師父整左件ne gi 拖羅，佢話圓形（見圖）先係正宗，飯，拖羅，紫菜，每一口都合比例，雪榚桶其實冇咁好。整體黎講質素比鮨佐賴不相佰仲，大滿足！