廿一前 (已結業)

今日係阿媽嘅生日 所以我我爸爸同埋我女朋友一齊去咗荃灣大鴻輝中心嗰度食放題餐 幾十年前十月懷胎生我出嚟梗係要食番一餐好嘅孝順一下佢啦入到去坐低左之後店員好貼心咁樣攞咗一碟牛肉同埋一碟豬肉出嚟 牛肉嘅油脂非常之豐富而且均勻 肉嘅顏色非常之鮮紅 好新鮮豬肉亦都唔太肥 值得一讚 食落亦都非常之有肉味 口感煙韌之後店員又攞咗一個刺身併盤出嚟 有三文魚 油甘魚 北寄貝 帶子同埋鮑魚 全部都好新鮮 而我最鍾意食嘅當然就係三文魚喇 三文魚嘅魚味好香而且一入口就融化 口感鮮嫩 係我最鍾意食嘅魚生 而媽媽就最鍾意食帶子 因為夠鮮甜而且軟淋淋 好易食跟住就到食火鍋嘅時候 我哋叫咗個花膠雞鍋 花膠嘅份量有好多而且膠質好重 成個湯亦都充滿住花膠嘅骨膠原 未飲已經覺得好養顏 飲完更加不得了 而雞肉亦都唔算好肥 煲完出嚟個湯亦都冇乜雞油 但係雞肉嘅雞味好濃郁 值得一讚最後就食下啲串燒啦 我哋叫咗個燒菠蘿 燒雞皮燒雞肉同埋燒雞翼等等 全部都好有肉味而且燒得好香脆 尤其是燒菠蘿 好甜好正