影片
更多
2019-07-12
295 瀏覽
忙完一輪緊係要食返餐好既獎勵下自己，熱愛食日本野既我今次唔食刺身同壽司，今次要食鐵板燒！好日都唔黎一次元朗既我經朋友介紹，山長水遠走入元朗呢間食鐵板燒既餐廳，食完真係覺得不枉此行丫朋友提醒我記得要先BOOK定位, 因為餐廳座位有限, 而且經常會有人包場, 所以BOOK左先以免白行一趟丫我地叫左人個2人餐, 都好多野食, 鐵板燒既師傅會同我地解釋每一道菜食物既上菜次序會由淡味D既開始, 慢慢去到濃味首先就會上沙律, 新鮮沙律菜配麻醬最特別既地方就係個沙律有蓮芋, 即係蓮花既莖部食落去有少少脆, 有水份, 好清爽跟住就到黑松露三文魚籽蒸蛋蒸蛋冇經任何調味, 所以食到香濃蛋香配以三文魚籽及黑松露既味道蒸蛋滑到入口即溶, 出色!第二道菜就係甘鯛魚, 日本空運到港, 特別之處就係連魚鱗都食得所以師傅會拎切左既魚塊去炸, 魚塊稍為用鹽調過味, 配以海膽南瓜忌廉汁賣相又靚又好食, 個鱗脆卜卜, 口感食落好似食緊好薄好薄既薯片咁第三道菜就係香煎北海道帶子, 個帶子好大粒肉質厚身, 配左巴拿馬火腿同柚子胡椒醬首先要食左火腿果邊先, 味道較濃, 跟住就食另外一邊, 咁樣反而突出左帶子既鮮甜而柚子胡椒醬都好
好日都唔黎一次元朗既我經朋友介紹，山長水遠走入元朗呢間食鐵板燒既餐廳，食完真係覺得不枉此行丫
朋友提醒我記得要先BOOK定位, 因為餐廳座位有限, 而且經常會有人包場, 所以BOOK左先以免白行一趟丫
我地叫左人個2人餐, 都好多野食, 鐵板燒既師傅會同我地解釋每一道菜
食物既上菜次序會由淡味D既開始, 慢慢去到濃味
首先就會上沙律, 新鮮沙律菜配麻醬
最特別既地方就係個沙律有蓮芋, 即係蓮花既莖部
食落去有少少脆, 有水份, 好清爽
跟住就到黑松露三文魚籽蒸蛋
蒸蛋冇經任何調味, 所以食到香濃蛋香配以三文魚籽及黑松露既味道
蒸蛋滑到入口即溶, 出色!
黑松露三文魚籽蒸蛋
7 瀏覽
0 讚好
0 留言
第二道菜就係甘鯛魚, 日本空運到港, 特別之處就係連魚鱗都食得
所以師傅會拎切左既魚塊去炸, 魚塊稍為用鹽調過味, 配以海膽南瓜忌廉汁
賣相又靚又好食, 個鱗脆卜卜, 口感食落好似食緊好薄好薄既薯片咁
甘鯛配海膽南瓜忌廉汁
20 瀏覽
0 讚好
0 留言
第三道菜就係香煎北海道帶子, 個帶子好大粒
肉質厚身, 配左巴拿馬火腿同柚子胡椒醬
首先要食左火腿果邊先, 味道較濃, 跟住就食另外一邊, 咁樣反而突出左帶子既鮮甜
而柚子胡椒醬都好特別, 但都幾辣, 建議可以點少少
北海道帶子
7 瀏覽
0 讚好
0 留言
之後就係北海道蝦夷鮑, 大大隻, 仲識郁架
配既醬汁係用鮑魚肝膽製成, 味道香濃, 配埋個綠茶冷面黎食, 真係非常創新特別
上面仲加左紫蘇花, 食既時候搣少少花落黎, 食落會有花香, 濃味既鮑魚肝膽汁加返D花香令到個汁清新好多
北海道蝦夷鮑
7 瀏覽
0 讚好
0 留言
食完鮑魚又點少得龍蝦, 生猛既伊勢龍蝦, 師傅仲教我點樣攞起黎影相添
selfie 左一輪就比返師傅煮, 醬汁就係用返龍蝦頭既膏煮成, 所以食落龍蝦味濃
肉質彈牙鮮味
伊勢龍蝦
16 瀏覽
0 讚好
0 留言
食完龍蝦就到鵝肝啦, 鵝肝都好厚身, 面都加左蘋果, 配埋多士一齊食減低油膩感
另外仲配左一串冰凍菠蘿同藍莓, 清一清口腔濃濃既味道
鵝肝多士
9 瀏覽
0 讚好
0 留言
之後就到邪惡既牛油焦糖多士, 每一件多士都吸收哂牛油同砂糖
砂糖煮溶左再凝結返會變左脆卜卜, 食到停唔到口呀
脆脆焦糖多士
12 瀏覽
0 讚好
0 留言
跟住就到佐賀A4和牛, 師傅首先會拎蒜片出黎即時炸香
然再再煮蔥, 煮好後再煮和牛包住蒜片同蔥, 好味呀!!
另一半和牛用黎炒飯, 由於已經好飽啦
所以叫師傅都唔炒咁多比我地, 炒飯好香, 粒粒飯都沾左蛋漿
佐賀A4和牛
15 瀏覽
0 讚好
0 留言
之後再上埋炒野菜同埋湯, 個湯係用頭先個龍蝦頭加立魚煲既
個湯好香濃, 唔會腥
龍蝦頭煲𩶘魚湯
19 瀏覽
0 讚好
0 留言
最後食埋個芝麻雪糕做甜品, 十分滿足
呢個2人套餐價值$2080, 就咁睇個價錢好貴
但對應返食材, 其實真係物超所值架
張貼
