鮨政

營業中

休息中

平時食壽司都會揀一啲比較高質啲嘅壽司店，因為感覺用料會比較新鮮啲，呢間係有日本人開嘅日本餐廳，所以味道非常正宗，佢除咗有Omakase 之外仲可以散叫添。壽司拼盤（上) $420呢個一共係有18件壽司，對比起Omakase呢個價錢嘅性價比超值。我最鍾意就係食大吞拿魚腩，食落有入口即溶嘅感覺。另外三文魚子同埋深海池魚都係我嘅大愛，口感一流。佢每一件壽司都非常鮮味，魚肉彈牙嫩口。和牛蕃茄壽喜燒 $320佢個鍋雖然唔係好大，但係佢嘅材料就非常豐富，和牛嘅牛肉味好重，而且仲好嫩。加咗日本生雞蛋落去，啲牛肉就會更加嫩口。佢嘅蕃茄酸甜酸甜感覺，好開胃呀。