Kyung Yang Katsu

營業中

休息中

我哋今次叫咗兩款唔同嘅豬扒定食，兩款定食都可以無限refill佢哋嘅湯麵白飯同埋沙律，完全唔驚會食唔飽！🤣🐷番薯芝士吉列豬扒豬扒五邊都裹滿咗脆卜卜麵包糠去炸，外面非常之酥脆香口，甜甜嘅番薯蓉同埋奶香味十足嘅芝士非常之夾，鹹鹹甜甜非常之好味。🥰定食入邊有六嚿豬扒，每塊份量都好足，食完非常滿足！🐷吉列豬扒豬柳定食呢一份定食入邊有吉列豬扒同埋吉列豬柳，每款分別都有四舊。🥰同樣都係新鮮炸喜熱辣辣脆卜卜，兩款豬肉入面都非常之Juicy嫩滑，一啲都唔會乾。🤍食落去豬柳會比炸豬扒冇咁油膩，而且更加腍滑。🐷芒果梳打🐷青提梳打💚兩款梳打都非常足料，睇相都可以見到有滿滿嘅水果，味道唔會好甜，亦都唔會覺得係好人工嘅糖漿味，飯後來一杯非常之清爽。