影片
更多
2024-07-17
57 瀏覽
適逢太子店1週年，「竹面譜」太子店有全單88折優惠（至8月31日）。雖然佢哋喺太子同新蒲崗都有分店，不過要食到新出嘅夢王🥚系列，就要去返太子店。佢哋嘅名物「蔥油孖蛋」百搭飯11:00-17:30先賣$39，加$6有飲品。就算晚市 $49 都係良心價。✨鮑汁冬菇花膠鍋$68冬菇勁大片但係煮得好淋，索晒又香又甜嘅鮑汁，咬落去係爆汁嘅感覺🤯。花膠件頭比想像中大好多，口感爽滑，完全唔腥。加埋娃娃菜同埋關廟麵真係好飽🫣。✨夢王烤豬頸肉飯$56有得揀温泉蛋/流心蛋/太陽蛋/生食蛋我哋揀咗太陽蛋，篤開用蛋汁撈飯好惹味。佢嘅豬頸肉醃得入味，彈牙又多汁，好食過泰國鋪🫣。✨炸蜆蚧鯪魚球配炸墨魚餅$48鯪魚球大大粒，炸到好香口同時間又爽彈多汁，鯪魚味重又有蔥香。墨魚餅鮮甜彈牙，仲有啲粟米。不過二揀一嘅話我會蜆蚧鯪魚球😆。✨頭水紫菜三寶湯 $44紫菜幼身細嫩，味道清清淡淡特別啱夏天食。三寶係魚片、牛丸、墨魚丸。牛肉味道濃郁，而且幾彈牙，兩粒完全唔夠食🥲。✨瑤柱上湯浸蘿蔔$18蘿蔔又腍又甜又冇渣，估唔到咁平都有咁多瑤柱🤩。✨脆炸鮮奶卷$28每個女仔都有個甜品胃。一邊話咩都食唔落，一邊就食完兩條都想再食😂。外脆內
適逢太子店1週年，「竹面譜」太子店有全單88折優惠（至8月31日）。雖然佢哋喺太子同新蒲崗都有分店，不過要食到新出嘅夢王🥚系列，就要去返太子店。
佢哋嘅名物「蔥油孖蛋」百搭飯11:00-17:30先賣$39，加$6有飲品。就算晚市 $49 都係良心價。
✨鮑汁冬菇花膠鍋$68冬菇勁大片但係煮得好淋，索晒又香又甜嘅鮑汁，咬落去係爆汁嘅感覺🤯。花膠件頭比想像中大好多，口感爽滑，完全唔腥。加埋娃娃菜同埋關廟麵真係好飽🫣。
✨夢王烤豬頸肉飯$56
有得揀温泉蛋/流心蛋/太陽蛋/生食蛋
我哋揀咗太陽蛋，篤開用蛋汁撈飯好惹味。佢嘅豬頸肉醃得入味，彈牙又多汁，好食過泰國鋪🫣。
✨炸蜆蚧鯪魚球配炸墨魚餅$48
鯪魚球大大粒，炸到好香口同時間又爽彈多汁，鯪魚味重又有蔥香。墨魚餅鮮甜彈牙，仲有啲粟米。不過二揀一嘅話我會蜆蚧鯪魚球😆。
✨頭水紫菜三寶湯 $44
紫菜幼身細嫩，味道清清淡淡特別啱夏天食。三寶係魚片、牛丸、墨魚丸。牛肉味道濃郁，而且幾彈牙，兩粒完全唔夠食🥲。
✨瑤柱上湯浸蘿蔔$18
蘿蔔又腍又甜又冇渣，估唔到咁平都有咁多瑤柱🤩。
✨脆炸鮮奶卷$28
每個女仔都有個甜品胃。一邊話咩都食唔落，一邊就食完兩條都想再食😂。外脆內軟，本身嘅奶味再加煉奶真係邪惡地好食。
✨金銀花菊花薏米$22
微糖甜度啱啱好，仲有種清熱解暑嘅感覺。
張貼
