影片
更多
2023-03-25
51 瀏覽
The Next Chapter久唔久都會想去下bar restaurant，嘆杯酒，食個晚餐chill下，同朋友睇下波。The Next Chapter 位於東提灣畔商場地下，係outlet 附近，但又稍稍遠離大家血拼既地方，感覺清幽，更適舒寧靜。餐廳有個吧枱位，後面有部大電視，比大家一路吹水一路睇波。而餐廳風格時尚貴氣，玻璃牆配搭雲石，令空間更寬敞。今日咁啱撞正Oyster Tuesday，十蚊一隻生蠔，咁我地過下口癮，叫咗半打黎試下。生蠔都好鮮甜，海水味亦非常突出，鐘意食既記得星期二黎！首先我地叫咗個Venetian Salad，除咗沙律菜外，仲有煙肉，烤豬肉，青瓜，雞蛋同牛油果等等。沙律菜新鮮爽脆，加埋酸甜既蜜糖芥末醬，好開胃。特別一提係個煙肉，脆卜卜，又好咸香，令沙律味道更豐富。主菜我地叫咗蒜香辣椒蜆肉意粉。蜆肉完全冇沙，處理得唔錯。意粉調味都幾刺激，但我自己本身鐘意食辣野，所以覺得好好食呀！意粉索咗蜆肉既精華，令蜆肉既鮮味纏繞住係意粉到。另一個係低温慢燒美國頂級牛腹柳，色水非常靚仔，大概係medium 既生熟情度。牛腹柳肉味香濃，入口冧滑，簡單用燒去調味就可以令牛柳風味昇華
久唔久都會想去下bar restaurant，嘆杯酒，食個晚餐chill下，同朋友睇下波。The Next Chapter 位於東提灣畔商場地下，係outlet 附近，但又稍稍遠離大家血拼既地方，感覺清幽，更適舒寧靜。
餐廳有個吧枱位，後面有部大電視，比大家一路吹水一路睇波。而餐廳風格時尚貴氣，玻璃牆配搭雲石，令空間更寬敞。
今日咁啱撞正Oyster Tuesday，十蚊一隻生蠔，咁我地過下口癮，叫咗半打黎試下。生蠔都好鮮甜，海水味亦非常突出，鐘意食既記得星期二黎！
首先我地叫咗個Venetian Salad，除咗沙律菜外，仲有煙肉，烤豬肉，青瓜，雞蛋同牛油果等等。沙律菜新鮮爽脆，加埋酸甜既蜜糖芥末醬，好開胃。特別一提係個煙肉，脆卜卜，又好咸香，令沙律味道更豐富。
主菜我地叫咗蒜香辣椒蜆肉意粉。蜆肉完全冇沙，處理得唔錯。意粉調味都幾刺激，但我自己本身鐘意食辣野，所以覺得好好食呀！意粉索咗蜆肉既精華，令蜆肉既鮮味纏繞住係意粉到。
另一個係低温慢燒美國頂級牛腹柳，色水非常靚仔，大概係medium 既生熟情度。牛腹柳肉味香濃，入口冧滑，簡單用燒去調味就可以令牛柳風味昇華。配菜有薯蓉，羽衣甘藍同埋一個菇，非常豐富。
飲品當然係唔少得架啦，朋友唔飲酒，叫咗杯Sunburst，好香passion fruit 味，加埋薄荷葉，非常清新。而我就叫咗杯cocktail，成杯藍色架，好有夏日感覺，味道都唔錯。
張貼
