影片
更多
2023-09-03
223 瀏覽
海之戀嘅食肆真係多如繁星，菜式種類多，價錢都算合理。今次前後嚟咗兩次先寫食評，希望可以中肯啲。店內裝修簡約，走法國街頭小酒館風格，氣氛好放鬆好Chill，寧靜嘅環境同嘈雜嘅外面成好大對比。午餐時段有lunch set，all day breakfast，brunch。我哋叫咗個牛小排，馬賽龍蝦海鮮鍋。牛小排屬於lunch set，配是日餐湯（洋蔥湯）＋餐包。牛扒揀咗半熟，肉味香濃，口感濕潤，配大堆薯條，其實都幾飽吓。馬賽海鮮鍋（另加龍蝦 ＋$80）海鮮鍋有煎魚、海蝦、青口、蜆、小八爪魚、配兩片麵包。海鮮overcooked 咗，縮晒水，好老，龍蝦唔太新鮮有腥味。再次嚟係一個禮拜後嘅晚餐，今次點咗佢嘅招牌二人套餐。前菜有溫泉蛋露筍沙律/南瓜湯（任選2）溫泉蛋露筍沙律蔬菜新鮮，口感清爽。南瓜湯好濃郁，好creamy。頭盤 - 主廚拼盤拼盤有煙三文魚、意大利火腿、燒茄子、炸黑松露蘑菇球 、芝士薯蓉、鱈魚醬、雜菜沙律。樣樣都好食，絕對推介。香煎三文魚三文魚煎得香脆，主要用鹽調味，味道單純完全冇腥味，本身唔多食魚嘅我都忍唔住食咗一半。馬賽龍蝦海鮮鍋今次啲海鮮好新鮮，烹調時間剛好，海鮮呈現最佳狀態
店內裝修簡約，走法國街頭小酒館風格，氣氛好放鬆好Chill，寧靜嘅環境同嘈雜嘅外面成好大對比。
午餐時段有lunch set，all day breakfast，brunch。我哋叫咗個牛小排，馬賽龍蝦海鮮鍋。
牛小排屬於lunch set，配是日餐湯（洋蔥湯）＋餐包。牛扒揀咗半熟，肉味香濃，口感濕潤，配大堆薯條，其實都幾飽吓。
馬賽海鮮鍋（另加龍蝦 ＋$80）海鮮鍋有煎魚、海蝦、青口、蜆、小八爪魚、配兩片麵包。海鮮overcooked 咗，縮晒水，好老，龍蝦唔太新鮮有腥味。
再次嚟係一個禮拜後嘅晚餐，今次點咗佢嘅招牌二人套餐。
前菜有溫泉蛋露筍沙律/南瓜湯（任選2）
溫泉蛋露筍沙律蔬菜新鮮，口感清爽。
南瓜湯好濃郁，好creamy。
頭盤 - 主廚拼盤拼盤有煙三文魚、意大利火腿、燒茄子、炸黑松露蘑菇球 、芝士薯蓉、鱈魚醬、雜菜沙律。樣樣都好食，絕對推介。
香煎三文魚三文魚煎得香脆，主要用鹽調味，味道單純完全冇腥味，本身唔多食魚嘅我都忍唔住食咗一半。
馬賽龍蝦海鮮鍋今次啲海鮮好新鮮，烹調時間剛好，海鮮呈現最佳狀態，龍蝦亦爽口彈牙，完美！
甜品 - 火焰橙酒可麗餅，雲呢拿雪糕 強烈推介！橙酒即時响你旁邊加熱點火，淋上可麗餅上面，呈現一個藍色火圈。嘩！嘩！嘩！靚到嘩嘩聲。賣相滿分，味道亦佳，淡淡嘅橙酒配甜味雪糕，再中和偏酸嘅橙，唔好太甜太酸，一切都啱啱好。
真係估唔到嚟食法式料理都可以好飽！雖然兩次嘅水準有差異，但我都想同朋友再嚟。
張貼
