影片
更多
2025-01-17
322 瀏覽
今日想食越南野，朋友帶我去左灣仔俊軒越南餐廳。佢話係中環店食開，應該灣仔店都有保證。等緊野食期間，同職員傾計，佢話佢地既野食係由地道越南人主理，而佢地既牛湯係冇落味精真材實料既。越式生牛河（$78）：生牛肉係比湯慢慢浸熟，所以牛肉唔鞋而且牛肉味濃。牛湯味道亦都濃郁，而且真係好似職員所講，食唔出有味精既感覺。越式炸春卷（$75）：有4大條，漲卜卜。伴有酸菜同4片生菜。春卷內有木耳絲，粉絲，紅蘿蔔絲同豬肉碎，味道同口感都豐富。表面香脆。連埋酸菜同生菜一齊食，中和返個油膩感。招牌牛油蒜香雞翼（$80）：5隻非常大隻既雞翼。因為佢夠大隻，所以keep到入面好嫩滑多汁。牛油+洋蔥+蒜蓉加埋一齊炸雞翼，點可以唔好食？！芒果沙冰（$32），牛油果沙冰（$34）：兩杯啲冰都打得幼細，口感Creamy又唔會太甜。好味。
今日想食越南野，朋友帶我去左灣仔俊軒越南餐廳。佢話係中環店食開，應該灣仔店都有保證。
等緊野食期間，同職員傾計，佢話佢地既野食係由地道越南人主理，而佢地既牛湯係冇落味精真材實料既。
越式生牛河（$78）：生牛肉係比湯慢慢浸熟，所以牛肉唔鞋而且牛肉味濃。牛湯味道亦都濃郁，而且真係好似職員所講，食唔出有味精既感覺。
越式炸春卷（$75）：有4大條，漲卜卜。伴有酸菜同4片生菜。春卷內有木耳絲，粉絲，紅蘿蔔絲同豬肉碎，味道同口感都豐富。表面香脆。連埋酸菜同生菜一齊食，中和返個油膩感。
招牌牛油蒜香雞翼（$80）：5隻非常大隻既雞翼。因為佢夠大隻，所以keep到入面好嫩滑多汁。牛油+洋蔥+蒜蓉加埋一齊炸雞翼，點可以唔好食？！
芒果沙冰（$32），牛油果沙冰（$34）：兩杯啲冰都打得幼細，口感Creamy又唔會太甜。好味。
張貼
