影片
更多
2020-01-13
350 瀏覽
前排無意中發現原來灣仔區嘅橫街窄巷有唔少卧虎藏龍，今次就嚟到修頓球場隔離譚臣道嘅一間🇻🇳越南餐廳食晚飯。餐廳係小店格局，大約坐到廿幾人，裝修簡約，有種小清新嘅感覺。我仲發現小店係由一家人經營的，婆婆幫手做樓面、阿仔做廚房？同孫仔負責玩😂，好溫馨。另外，有唔少熟客嚟幫襯。依到嘅越菜唔止得Pho，種類及款式同平日唔太同，因為係主打北越菜，有好多款都比較少見。可能因為咁，小店定價唔算平，但有賣點嘛。餐廳嘅小食同海鮮望落非常吸引🤤！香草野菜燒牛柳沙律($88)🥗，燒牛柳好好食啊，有成5-6塊，燒得非常香口，而且肉嫩又夠厚，唔錯唔錯。沙律菜都新鮮，個汁應該係用上魚露，酸酸甜甜，好開胃。海防手工墨魚餅($108)🦑，我不嬲都鐘意食Q彈嘅口感，所以一定唔會放過墨魚餅。依到嘅墨魚餅超級彈牙，而且食得出一定唔係買返嚟，係手造；我更加係第一次食墨魚餅食到墨魚！雖然唔平，差唔多成$30塊，但真心推介，而且魚餅旁嘅醃蘿蔔絲都好好食。椰汁喇沙葉煮活蜆($148)🐚，本身呢道菜係配海螺的，但我哋驚螺食得無咁方便，就即管問下有無得轉蜆，點知又得喎yeah✌🏻。一睇個賣相就睇得出係用上椰汁🥥，而且仲有椰肉，個汁比較厚
餐廳係小店格局，大約坐到廿幾人，裝修簡約，有種小清新嘅感覺。我仲發現小店係由一家人經營的，婆婆幫手做樓面、阿仔做廚房？同孫仔負責玩😂，好溫馨。另外，有唔少熟客嚟幫襯。
依到嘅越菜唔止得Pho，種類及款式同平日唔太同，因為係主打北越菜，有好多款都比較少見。可能因為咁，小店定價唔算平，但有賣點嘛。餐廳嘅小食同海鮮望落非常吸引🤤！
香草野菜燒牛柳沙律
$88
6 瀏覽
0 讚好
0 留言
香草野菜燒牛柳沙律($88)🥗，燒牛柳好好食啊，有成5-6塊，燒得非常香口，而且肉嫩又夠厚，唔錯唔錯。沙律菜都新鮮，個汁應該係用上魚露，酸酸甜甜，好開胃。
海防手工墨魚餅
$108
14 瀏覽
0 讚好
0 留言
海防手工墨魚餅($108)🦑，我不嬲都鐘意食Q彈嘅口感，所以一定唔會放過墨魚餅。依到嘅墨魚餅超級彈牙，而且食得出一定唔係買返嚟，係手造；我更加係第一次食墨魚餅食到墨魚！雖然唔平，差唔多成$30塊，但真心推介，而且魚餅旁嘅醃蘿蔔絲都好好食。
椰汁喇沙葉煮活蜆
$148
3 瀏覽
0 讚好
0 留言
椰汁喇沙葉煮活蜆($148)🐚，本身呢道菜係配海螺的，但我哋驚螺食得無咁方便，就即管問下有無得轉蜆，點知又得喎yeah✌🏻。一睇個賣相就睇得出係用上椰汁🥥，而且仲有椰肉，個汁比較厚身，甜甜哋得嚟又有好微好微好微嘅辣味，超正，即刻覺得要嚟碗白飯囉。蜆大約有12隻，size唔大唔細，索哂啲汁😗。
油炸鬼
$32
5 瀏覽
0 讚好
0 留言
由於唔想浪費啲汁，所以叫咗份油炸鬼($32)食埋去，一滴都唔好嘥🙈。油炸鬼其實喺越南真係好普遍，食碗Pho都會搭配的，所以呢到有得賣，令我覺得佢好正宗👍。油炸鬼熱辣辣炸起，外脆內軟，唔係平日粥舖放到油哂實哂嗰啲。
河內生熟牛肉湯河
$78
3 瀏覽
0 讚好
0 留言
河內生熟牛肉湯河($78)，Pho嘅份量都幾多，兩個人食都可以一人一個碗仔。🐮生牛肉係肥牛，熟牛肉就係牛腩片，兩樣都幾好食。唯一差少少就係個湯，略嫌唔夠清。其實碗pho都ok，係唔夠另外嗰幾道菜出色。
總括嚟講，依間越南私房菜館都幾唔錯，菜式特別得嚟又好食，而且應該都幾正宗(作為半個越南妹嘅我話嘅🤣)。店員好nice，會同我哋介紹啲菜式，又問我哋啱唔啱食，呢啲就係小店嘅特色。最後，就係店員話嗰個椰汁會用嚟煮lunch time賣嘅豬扒飯，有機會真係要嚟試下。
張貼
