小喇咩 (已結業)

曾經在天后炮台山一帶辦事，所以附近我都好熟，木星街我已經冇到過一段時間，現在雖然開多咗一兩間餐廳，始終比較靜，前港男冠軍黃長興以前在街尾的法國菜餐廳已經變成越南菜餐館，我相信佢有要求所以決定光顧。一個人食飯，先來柚子蜜糖雞翼，本來只想藉酸甜味道醒下神，想不到個汁做得非常好，調教到位，雞翼酥脆。另一款特盛湯牛肉粉，賣相令人感覺有心思，材料俾足，難怪$128碗，生牛肉、牛展、牛百葉、牛丸、扎肉，豐富的配料，湯頭都夠香，正宗配備生芽菜、檸檬、辣椒、九層塔自己加落粉，整體味道唔錯。