影片
更多
2024-11-24
509 瀏覽
晚餐喺海港城搵咗間越南餐廳叫做「春庭越調」，我揀咗個二人餐，由尾講起🤣。烤香蕉雪糕新地 - 呢一個甜品係唔包括係個餐裏面嘅，但係你又可以加$38（好似係）就會有一個。香蕉表面有一層薄薄嘅焦糖，中間有一球雲呢拿雪糕，包圍着雲呢拿雪糕係斑蘭？椰漿？西米露？總之就係杰撻撻嘅嘢，基本上係好食嘅。越式鑊仔牛柳粒 - 呢個非常之好食！冇乜缺點😅炭燒乳豬 - 乳豬比較肥，不過不失，旁邊會有一兜沙律，用一啲薄荷葉菠蘿青瓜等等造成，某程度上可以解一解膩。鮮蝦柚子沙律 - 我哋食嗰日冇晒柚子，換咗西洋菜，咁即係唔係柚子沙律，所以扣分。蝦上面會淋一啲蒜蓉醬，都幾惹味。香濃牛尾湯 - 呢個需要加$25一碗，我建議大家唔使加，因為一啲都唔香濃，好似一個炆牛尾嘅汁，加上牛骨湯嘅感覺，應該唔係感覺（係直覺😂)所以比較淡。個套餐仲有包兩杯飲品，同埋一煲蒜蓉飯，老實講個蒜蓉飯真係幾好食，不過用一煲嚟形容係有少少問題，因為佢個煲好細，一個正常嘅飯碗大少少，所以絕對唔係二人份。呢個位有少少孤寒兼核突。🙄
烤香蕉雪糕新地 - 呢一個甜品係唔包括係個餐裏面嘅，但係你又可以加$38（好似係）就會有一個。香蕉表面有一層薄薄嘅焦糖，中間有一球雲呢拿雪糕，包圍着雲呢拿雪糕係斑蘭？椰漿？西米露？總之就係杰撻撻嘅嘢，基本上係好食嘅。
越式鑊仔牛柳粒 - 呢個非常之好食！冇乜缺點😅
炭燒乳豬 - 乳豬比較肥，不過不失，旁邊會有一兜沙律，用一啲薄荷葉菠蘿青瓜等等造成，某程度上可以解一解膩。
鮮蝦柚子沙律 - 我哋食嗰日冇晒柚子，換咗西洋菜，咁即係唔係柚子沙律，所以扣分。蝦上面會淋一啲蒜蓉醬，都幾惹味。
香濃牛尾湯 - 呢個需要加$25一碗，我建議大家唔使加，因為一啲都唔香濃，好似一個炆牛尾嘅汁，加上牛骨湯嘅感覺，應該唔係感覺（係直覺😂)所以比較淡。
個套餐仲有包兩杯飲品，同埋一煲蒜蓉飯，老實講個蒜蓉飯真係幾好食，不過用一煲嚟形容係有少少問題，因為佢個煲好細，一個正常嘅飯碗大少少，所以絕對唔係二人份。呢個位有少少孤寒兼核突。🙄
張貼
