影片
更多
2022-05-13
349 瀏覽
放假去咗西環尾散步，終於有得晚市堂食，所以就喺附近食埋晚飯先返屋企。厚和街有好多食肆，其中一間係「越火越式湯粉」，呢區比較少越南餐廳🇻🇳，就一於試吓。小店面積唔大，一眼睇晒，不過環境都幾四正，燈光明亮，乾淨衛生👍。同時，店員服務態度有禮，抵讚。餐廳設有一個四重享套餐($108)，包主菜、小食、沙律同飲品，每部份均有多項選擇，彈性好高。生牛肉湯河，🍜牛河當然係越南菜嘅代表，佢無論牛肉、河粉定湯底都處理得唔錯。🥩生牛肉片份量都幾多，靠熱湯將佢浸熟，牛味突出，肉質唔韌。河粉滑溜，又唔會碎濕濕。最後，佢嘅湯底幾正，清甜濃厚，無落味精，飲完唔口乾。香茅豬扒湯檬，餸分開上，湯檬同樣大大碗，配上大量香葉、蔥同芽菜等，湯底就較牛河清澈。🐷香茅豬扒非常出色，佢並非薄切切、乾噌噌嗰種，而係炸至外脆肉嫩、香茅味滲透其中嘅出品。豬扒嘅調味同肉質都令人難忘，必食推介。餐廳將以下三樣小食放埋一齊，圖左至右分別係：魷魚蝦枝、炸蝦餅(+$8)同埋扎肉米紙卷。🦑長身春卷形狀嘅係魷魚蝦枝，春卷皮入面釀住鮮魷魚，我第一次食覺得幾得意，但略嫌春卷皮唔夠薄脆。🍤炸蝦餅原來有成一大塊，整體口感爽彈，食得出用咗大量蝦肉打成，唔似四
放假去咗西環尾散步，終於有得晚市堂食，所以就喺附近食埋晚飯先返屋企。厚和街有好多食肆，其中一間係「越火越式湯粉」，呢區比較少越南餐廳🇻🇳，就一於試吓。
小店面積唔大，一眼睇晒，不過環境都幾四正，燈光明亮，乾淨衛生👍。同時，店員服務態度有禮，抵讚。餐廳設有一個四重享套餐($108)，包主菜、小食、沙律同飲品，每部份均有多項選擇，彈性好高。
生牛肉湯河
18 瀏覽
0 讚好
0 留言
生牛肉湯河，🍜牛河當然係越南菜嘅代表，佢無論牛肉、河粉定湯底都處理得唔錯。🥩生牛肉片份量都幾多，靠熱湯將佢浸熟，牛味突出，肉質唔韌。河粉滑溜，又唔會碎濕濕。最後，佢嘅湯底幾正，清甜濃厚，無落味精，飲完唔口乾。
香茅豬扒湯檬
7 瀏覽
0 讚好
0 留言
香茅豬扒湯檬，餸分開上，湯檬同樣大大碗，配上大量香葉、蔥同芽菜等，湯底就較牛河清澈。🐷香茅豬扒非常出色，佢並非薄切切、乾噌噌嗰種，而係炸至外脆肉嫩、香茅味滲透其中嘅出品。豬扒嘅調味同肉質都令人難忘，必食推介。
炸蝦餅
2 瀏覽
0 讚好
0 留言
鳳爪沙律，🥗沙律超開胃，酸度啱啱好。鳳爪去骨，食落好爽好滋味，再配埋車厘茄、芹菜同蘿蔔絲等，成個組合散發出濃濃東南亞風味。
飲品方面，我哋要咗青檸薄荷梳打同椰汁冰，兩杯都好夠味，大大杯，真材實料。🍋梳打檸味十足，唔係得兩片青檸咁孤寒，🥥而椰汁冰嘅椰味濃郁，甜度適中，冰感一流。
總括嚟講，堅尼地城呢間越火餐廳抵食又好味😋，舖面平平無奇，但高手在民間，以食物味道取勝。普通一個湯河定價大約$5X，屬中等水平，不過升級為四重奏套餐就唔同講法，好鬼吸引呢！
張貼
