影片
更多
2024-07-05
385 瀏覽
昨天下午得閒，乘屯馬線去海之戀商場嘅泰金鍋，食牛牛火鍋。因為以前幫襯過好幾次，覺得好坐、好舒服，所以特意再去。4:55到餐廳，當時冇客，門口接待員俾咗一個近門口嘅單排坐位我。由於同鄰枱係相連，如果有客坐，咁我哋就係排排坐，互相非常接近。於是我問接待員，可否坐細卡位 (兩人卡座)，佢話唔得，咁我話佢知，之前每次都俾卡位我，而且呢個時間，一個客都冇，仲要係星期四，到我食完都未會好多人。不過最後佢都係say no，咁我唯有照坐佢規定嗰張枱。跟著出去攞食物，旁邊有位職員正在用膳。突然聽到佢話:「一個人想坐兩個位呀？」我當堂覺得好委屈，接待員喺附近都聽到，我就問佢點解要講客是非？之後好唔開心、唔想再喺度食！跟著走咗！而家我更加明白，點解香港人寧願上大陸飲食！唔怪之得香港食肆啲生意咁差！我哋喺香港消費，要貼錢買難受！誰願意？
昨天下午得閒，乘屯馬線去海之戀商場嘅泰金鍋，食牛牛火鍋。因為以前幫襯過好幾次，覺得好坐、好舒服，所以特意再去。4:55到餐廳，當時冇客，門口接待員俾咗一個近門口嘅單排坐位我。由於同鄰枱係相連，如果有客坐，咁我哋就係排排坐，互相非常接近。
於是我問接待員，可否坐細卡位 (兩人卡座)，佢話唔得，咁我話佢知，之前每次都俾卡位我，而且呢個時間，一個客都冇，仲要係星期四，到我食完都未會好多人。不過最後佢都係say no，咁我唯有照坐佢規定嗰張枱。
跟著出去攞食物，旁邊有位職員正在用膳。突然聽到佢話:「一個人想坐兩個位呀？」我當堂覺得好委屈，接待員喺附近都聽到，我就問佢點解要講客是非？之後好唔開心、唔想再喺度食！跟著走咗！
而家我更加明白，點解香港人寧願上大陸飲食！唔怪之得香港食肆啲生意咁差！我哋喺香港消費，要貼錢買難受！誰願意？
張貼