影片
更多
2024-03-30
866 瀏覽
今日(30-3-2024 Sat)朝同老公去荃灣食早餐先,去邊間?我記得呢喥開咗間,於是走嚟,嚟到時冇人等位,但入到去係冇晒位要等,等嘅時侯見到有11:00AM開始供應嘅午餐menu,睇落唔太吸引,早餐係咪唔供應?如果係,我就走人喇,不過等咗約5分鐘有個女仔走嚟問我哋搭唔搭枱?我哋答好.佢就帶咗我哋入去搭半張卡位.但由於食𡁵嘢嘅男客人,將佢嘅口罩擺到好近我呢邊,亦冇意識收返去佢嗰邊,我望吓有另一張卡位,於是問可唔可以轉?男店員答要問吓.佢係行去問嗰張枱嘅客人.之後俾我哋調.我哋又掃QR code同睇menu,發現早餐係供應到11:30AM,於是叫早餐,見到有辛辣麵,好啱老公,於是我哋要咗:4. 跟餐嘅熱奶茶我唔落糖飲,味道對版冇問題.3分2. 跟餐加$3.00嘅凍檸水老公飲嘅,我冇飲到.3. $46.00嘅歐陸早餐要吉列魚柳有茄汁豆,英式腸,3.6牛乳炒滑蛋,薯餅同丹麥多士.呢個好快到嚟,睇見吉列魚柳好大塊,但將包裝茄汁直接放喺炒蛋上面,衛生?而且佢沾到油同蛋,當我拎嚟撕開唧時,又攪到隻手有油,而佢哋又冇紙巾供應.我開動先,丹麥多士嘅牛油塗得啱啱好,都脆口嘅,比一樂冰室(https:/
但入到去係冇晒位要等,等嘅時侯見到有11:00AM開始供應嘅午餐menu,
睇落唔太吸引,早餐係咪唔供應?如果係,我就走人喇,不過等咗約5分鐘有個女仔走嚟問我哋搭唔搭枱?我哋答好.佢就帶咗我哋入去搭半張卡位.但由於食𡁵嘢嘅男客人,將佢嘅口罩擺到好近我呢邊,亦冇意識收返去佢嗰邊,我望吓有另一張卡位,於是問可唔可以轉?男店員答要問吓.佢係行去問嗰張枱嘅客人.之後俾我哋調.
我哋又掃QR code同睇menu,
發現早餐係供應到11:30AM,於是叫早餐,見到有辛辣麵,好啱老公,於是我哋要咗:4. 跟餐嘅熱奶茶
熱奶茶
5 瀏覽
0 讚好
0 留言
我唔落糖飲,味道對版冇問題.
3分
2. 跟餐加$3.00嘅凍檸水
老公飲嘅,我冇飲到.3. $46.00嘅歐陸早餐要吉列魚柳
有茄汁豆,英式腸,3.6牛乳炒滑蛋,薯餅同丹麥多士.
呢個好快到嚟,睇見吉列魚柳好大塊,
但將包裝茄汁直接放喺炒蛋上面,衛生?而且佢沾到油同蛋,當我拎嚟撕開唧時,又攪到隻手有油,而佢哋又冇紙巾供應.我開動先,丹麥多士嘅牛油塗得啱啱好,都脆口嘅,比一樂冰室(https://www.openrice.com/zh/hongkong/r-%E4%B8%80%E6%A8%82%E5%86%B0%E5%AE%A4-%E8%8D%83%E7%81%A3-%E6%B8%AF%E5%BC%8F-r847704)嘅冇咁甜(請參考2024年3月2日刊登嘅呢篇食評https://www.openrice.com/zh/hongkong/review/%E4%B8%80%E4%BA%BA%E5%A4%9A%E5%B0%B1%E4%BA%82-e5330331),OK.
5分
薯餅就唔係平時喺麥當勞食到,以薯粒製作出嚟嗰啲,而偏向薯絲,
呢個比較鬆散,
食落薯味都唔突出.2.5分
吉列魚柳外脆內軟滑,但魚肉好似未熟透;而千島醬味道係啱啱好,不過太少,唔夠蘸.
2.8分
3.6牛乳炒滑蛋係滑嘅,不過唔似有用3.6牛乳.
2.8分
茄汁豆來貨冇問題啦.
3分
最後英式腸呢?食落係凍同冇味,而且口感有少少脆,但有啲怪.
2.8分
1. $48.00嘅豬扒煎蛋辛辣麵.改雞扒
呢個我食半件雞扒,煎得脆,有恰到好處嘅黑椒,內裡又juicy,唔錯.至於其他,老公食晒,佢冇咩comment.
5分
5. $10.00嘅葡撻
要自己拎埋張單出去攞入嚟,老公原本想要原味蛋撻,但因為係曲奇皮,所以揀呢個酥皮嘅.睇見酥皮層次分明,面頭焦咗糖漿,老公切開時聽到好脆嘅聲音,而蛋漿入面有餡,
食落都幾甜,因為入面嗰啲係焦糖, 酥皮冇乜牛油香,蛋漿係滑但味道真係被甜味蓋過晒.1.5分
環境:
之後坐嗰張卡位係夠冷氣,當我坐去對面時就唔多夠,男店員好似知道,就開大少少冷氣.
服務:幾奇怪,除咗上面講要求調位,店員要問另一個客人外,就係佢哋一時收嘢收得快,一時唔收嘢,我哋同枱嗰個食客食剩啲時,就問人哋重要唔要.之後佢走咗好耐都冇人收嘢,我要叫巡咗多次嘅店員收,佢問我幾多號枱,我點記得?我又唔係喺喥做,自己睇就知啦.
當我哋啱啱食晒嘢,佢哋又會識得走嚟收,真係好奇怪.
當我坐出面,食𡁵我份早餐時,店員拎老公嘅嘢食嚟,有啲不知所措,好似要我移開我嗰份俾佢放低咁,明眼人一睇就知呢份係我老公食,我就唔郁喇,佢至醒目地放喺我老公面前.
2.7分
衛生係2.9分
其他:
呢喥限時坐60分鐘,而且要自己斟水.
抵食係 2.7分
張貼
