影片
更多
2016-02-26
684 瀏覽
直覺嘅印象，覺得必勝客年年過農曆年都好似推出芝士7重奏系列嘅薄餅，不過，次次都會稍稍改頭換面搞啲新花樣。趁細佬生日，嚟到西九龍中心嘅必勝客，一家人食番餐賀一賀佢。話時話，都好耐無過嚟西九龍中心喇！咪噓我請細佬食生日飯揀嚟食必勝客，查實佢食嘢要求唔高，大眾化嘅餐廳仲啱佢，無咁拘束，反而高檔啲嘅佢都覺得唔自在 。事實上，必勝客又真喺既大眾化，薄餅又多花款，自然有其吸引力，今晚嚟到，坐吓坐吓又全場爆滿。唔使多講，佢啲套餐一向抵到爛，所以，主餐牌就唔需要多睇，直接晌套餐餐牌度揀。就算芝士7重奏套餐都有幾款，所以，賀細佬牛一就揀個叫最貴嘅精選2人套餐，其實都只不過喺$293 + 10%（信用卡折扣價）。仲要包餐飲2杯、餐湯2客 、沙律、薯蓉、飯麵及普通批，夠晒我哋3個人食啦，查實如果真喺兩個人食，都唔知點食得晒 。點套餐可以以6折價加配其他嘢食，如白酒煮青口、芝士蛋糕、焗蘋果酥……等等，但個餐咁多嘢食，都已經食到我哋肚漲，所以，今次都用唔着依埋優惠。睇番以前啲食評，依等「升級優惠」，以前喺以半價點選，不過，依家做六折都仲喺好抵。餐飲嘅選擇都喺幾款梳打特飲、咖茶及汽水。 凍檸茶細佬都仲喺熱血
咪噓我請細佬食生日飯揀嚟食必勝客，查實佢食嘢要求唔高，大眾化嘅餐廳仲啱佢，無咁拘束，反而高檔啲嘅佢都覺得唔自在 。事實上，必勝客又真喺既大眾化，薄餅又多花款，自然有其吸引力，今晚嚟到，坐吓坐吓又全場爆滿。
唔使多講，佢啲套餐一向抵到爛，所以，主餐牌就唔需要多睇，直接晌套餐餐牌度揀。
就算芝士7重奏套餐都有幾款，所以，賀細佬牛一就揀個叫最貴嘅精選2人套餐，其實都只不過喺$293 + 10%（信用卡折扣價）。仲要包餐飲2杯、餐湯2客 、沙律、薯蓉、飯麵及普通批，夠晒我哋3個人食啦，查實如果真喺兩個人食，都唔知點食得晒 。
點套餐可以以6折價加配其他嘢食，如白酒煮青口、芝士蛋糕、焗蘋果酥……等等，但個餐咁多嘢食，都已經食到我哋肚漲，所以，今次都用唔着依埋優惠。睇番以前啲食評，依等「升級優惠」，以前喺以半價點選，不過，依家做六折都仲喺好抵。
餐飲嘅選擇都喺幾款梳打特飲、咖茶及汽水。
凍檸茶細佬都仲喺熱血青年，所以，整番杯凍檸茶解解口渴之餘，佢話食薄餅點都要飲凍飲先過癮。
柚子熱情（熱）小弟無佢咁熱血，外面都仲喺天寒地凍，飲杯熱飲划算啲，小弟就要咗杯熱柚子蜜，現成貨沖出嚟，唔會特別成點，唔沖得「稀淋淋」都收貨。
蘑菇忌廉湯、周打蜆肉湯除依兩款之外，餐湯仲有意大利菜湯可選。唔使多講，大家都知佢啲湯喺咩質素，比較喺港式西湯，兩款湯可以話同一個湯底「忌廉湯」，只喺一個加蘑菇，另一個加蜆肉，可以講喺味道無咩分別，不過，個周打蜆加啲忌廉，又糝啲香草，感覺較有誠意啲。
烤雞凱撒沙律 雖然話喺二人餐啫，但份沙律又唔使大到咁啩，一大碟鋪滿凱撒沙律及烤雞。話喺凱撒沙律，都喺迤版，生菜還生菜，醬還醬，灑啲煙肉碎及芝士粉而已；幸而啲羅馬生菜幾爽脆，只嫌啲煙肉粒軋得太粗。至於啲烤雞，喺健康版，無晒雞皮，又好似白烚咁，味道好好好一般！
焗白汁煙肉薯蓉 以前細細個幾鍾意食佢啲薯蓉，覺得好幼滑，又唧晒花咁，依家佢啲薯蓉都唔喺差，幾香幾滑；不過，加啲白汁就有啲無鬼謂，因為搞到啲薯蓉削晒 。
卡邦尼雞肉寬條麵 主食就3揀1，其餘兩款喺香蒜大蝦炒意粉或芝士海鮮焗飯。雖則話卡邦尼，查實只喺白汁寛條麵，唔覺有蛋香，麵條又有輕微過腍；不過，餸料十足，麵內有好多雞肉、煙火腿及蘑菇，最欣賞喺啲蘑菇用新鮮貨色，仲炒過嚟，可惜入口唔知點解喺涼嘅，而唔喺熱辣！
海鮮珍味（普通批） 薄餅又喺3揀1 （海鮮珍味、烤雞蜜桃、芝士7重奏），最前者感覺好似幾好，好似好多料，有中蝦、蜆肉、魷魚圈、黑橄欖、蜜桃、車厘茄、毛茄配巴馬臣芝士及紅香草醬。
兩年前都試過佢嘅芝士7重奏小龍蝦帶子批，印象中覺得唔錯，「芝士7重奏」亦唔喺浪得虛名，喺唔同位置都加入唔同嘅芝士，雖然，就算寫明邊7款芝士都未必食得出，但食得到幾款唔同嘅芝士香味 ！再者，配料亦唔欺場，啖啖海鮮，又幾鍾意佢哋混入蜜桃、車厘茄、毛茄，令味道多添幾分清新，批底又軟綿，確喺幾好食。
雖然餐湯、沙律、寬條麵有點失色，但個薄餅大家都覺得好好食。雖然話好又一餐，唔好又一餐，最緊要投其所好，大家都啱食嘅，自然變為好嘅一餐，令我想起佢哋嘅口號：「開心時刻Pizza Hut」！
張貼
