Le Viet

營業中

休息中

有時行完the one都會係4樓揀間餐廳食, 越南野既話就非哩間莫屬, 半開放式坐位唔焗促, 食物亦有水準。除左單點MENU, 都有幾道signature dish做緊promote, 包括好多人中意既牛油雞翼。香茅燒牛仔骨有4大件，欣賞佢燒得外香內嫩帶肉汁, 平時食牛仔骨要比D力咬, 哩個嫩到輕輕一扯就脫到骨, 味道好香入味。另外有酸辣汁, 點左會惹味D有風味D。粉絲虎蝦煲勁香! 即叫即整所以要等15分鐘倒但值得。虎蝦開邊仲見到連住蝦膏, 當中部份蝦膏已經同粉絲拌勻。仲有少量咸肉吊味。粉絲焗得岩岩好唔會過濕or過乾, 味道咸香惹味, 特別令我中意係佢加左肉桂同埋好多芫茜落去, 所以整體味道更加之香!! 粉絲份量仲好多, 兩個人食都飽哂。