康瑞涼茶 (已結業)

在深水埗的大排檔愛文生食完飯，朋友決定要去食糖水，平時深水埗食糖水都係食慣綠X甜品，但係朋友們最近都好推薦紅爆嘅康瑞甜品。三位朋友之中只有我未食過呢間最近紅爆嘅芋圓，咁仲唔通仲唔去試咩！去到嘅時間約九點半，遠遠已經好多人聚集左係甜品店出面，已經好驚要排好耐，去到一攞飛夥記已經話三個人好快就有位，2分鐘就入到去。入到去係坐雙人打對枱再加一張櫈係中間，不過坐出面個位就有小小影響左走廊行嚟行去嘅姐姐哥哥，有小小唔方便。友人們都推薦食特式仙草百配，咁大家都叫左呢個，價錢只係25一個！實在比出面好多甜品店都平好多！甜品嚟到！真係百搭好多唔同嘅配料，紅豆、粉圓、地瓜...乜都有！仙草都好好味道！不過如果下次再嚟會想試下椰汁西米露配芋圓，因為本身自己就好鐘意食椰汁西米露，覺得配搭芋圓一定會好正！