Mee...lemongrass (Megabox) (已結業)

今日繼續九龍灣午餐推介，我地去左位於11樓Megabox既Mee. Lemongrass。餐廳入面幾光猛，牆身掛上拼畫同船夫帽，增添東南亞風味。- Mee. 喇沙配料有大蝦、蜆肉、蟹柳、魚蛋、豆卜同雞蛋。湯頭充滿椰奶同咖哩香氣，帶點辣勁。麵條同出面比有啲特別，同時用左油麵同和米粉，前者滑溜，後者煙韌。唯一挑剔既係缺乏蝦味。- 無骨海南雞喇沙豆卜吸湯，海南雞啖啖肉，肉質幾滑溜。浸入湯底之後更吸收咖哩香味，非常惹味。飲品方面，朋友揀左黑糖珍珠奶茶，虎紋非常漂亮，黑糖味道濃郁。我叫咗泰式珍珠奶茶，奶茶冇一般泰式奶茶咁甜，不過有少少苦澀。總結而言，飲品麻麻哋，不過喇沙有別一般傳統，可以一試。