德勝小廚 (已結業)

黎到上環既德勝小廚，大約３點幾，個陣冇乜人食野，所以一入去就位坐。佢鄰近港鐵站，行幾步就到，地理位置絕對方便食客啦！入到去，發現佢既餐牌都幾有特色，全部都係自己寫，仲寫得幾靚！比起其他地區既茶餐廳都幾有特色。我同２個朋友嗌左個沙爹牛肉一丁、煎蛋腸仔、多士同奄列。有人話最易整既野最難整得好食，此言非虛，先講奄列，稍嫌煎得熟左少少，如果唔係就可以再滑Ｄ啦。切開隻蛋一睇，原來裡面都幾足料，好多火腿同叉燒，啖啖肉，唔錯唔錯。而多士係唔脆既，須知道多士脆唔脆係好重要，所以大扣印象分。個人認為，隻太陽蛋個邊唔夠燶，所以個邊唔夠脆。但佢隔離個條腸仔又太燶，成條非洲黑腸咁，食落都唔開胃啦！沙爹牛肉麵就冇乜特別，大家明啦，即食麵好難煮得難食，牛肉幾腍唔痴牙。