毫無分串陀地串燒酒場

營業中

休息中

呢間在銅鑼灣TOWER 535和世貿中心對面新開餐廳，晚市主打串燒，中午有燒豬、牛、雞飯嘅午餐。試食惹味燒雞扒飯，雖然碗上，但份量十足，一定飽肚。面鋪一層三眼(即三隻煎蛋)，仲要煎到燶邊，蛋黃流心。中間雞扒係燒出嚟，唔係茶記嗰啲半煎炸做法，肉質咬開有肉絲，唔係出面好多鬆肉粉、超彈牙嗰種。伴有幾大條菜芯。成個飯都係熱嘅，即叫即製，唔係預製叮翻熱。套餐連一杯熱飲，都係62，好過去食茶記多多聲。裝修以本地文化和廣東歌為主題，只播廣東歌，好有親切感。待應都好友善。