胡爐 (已結業)

今日同朋友搵到間高質素嘅火鍋店，喺尖沙咀地點非常方便！餐廳設計裝修古色古香，食物質素款式好多，而且食材好新鮮，湯底好足料！♡胡椒豬肚花膠雞鍋好足料！鍋底有好多豬肚同鹹酸菜，花膠同雞係另上再加入鍋，雞份量大約半隻，雞肉鮮嫰滑溜，花膠大大塊、都有五六塊。湯底好濃郁嘅胡椒香味，加入雞件花膠後，湯底更加鮮味濃厚，飲左2大碗湯、好好飲！♡手切頂級安格斯肥牛安格斯肥牛油脂分布均勻、雪花紋豐富，牛味濃郁，油香爆燈！口感鬆軟、入口即溶嘅感覺。♡醉葫爐五寶丸五寶丸有蟹籽蝦丸、手打墨魚丸、梅菜豬肉丸、黑松露墨魚丸同牛丸，全部都好好味。我最鍾意食蝦丸，好鮮甜。其次梅菜豬肉丸，好特別！手打丸食落爽口彈牙。♡醉葫爐五寶餃五寶餃有鮮蝦雲吞、黑松露香菇餃、韭菜餃、芫荽豬肉餃同魚皮。皮薄餡靚，大大粒餃子！♡蔬菜拼盤蔬菜拼盤份量都幾多下，各式各樣蔬菜都有，蔬菜好新鮮。吸收晒濃郁湯底，好入味。