寶貝靚湯 (已結業)

朋友附近番工介紹，成日見佢放呢度碗湯，佢見呢度dinner有做埋海鮮餐又唔太貴，咪夾埋去。第一下感覺見到呢隻碗既反應係唔識比，無諗過出街可以飲到咁大碗湯，而且都真係好足料，尤其係螺肉。花膠不能要求太多，但湯料的確十足，好想飲多碗！個餐仲有鮑魚，貴妃蚌同埋蝦，正常水準，可能碗湯實在太surprise，變左對海鮮興致唔太大了。而且仲有浸雞同上湯娃娃菜，我反而覺得呢幾樣仲吸引，因為又可以飲到d湯，雖然係上湯。因為浸雞，所以雞幾嫩滑兼有湯水香味，而且份量黎講真係好足好足，講緊只係每人$298，仲有每人一大碗湯米/銀針粉，真係方死唔夠飽。