影片
更多
2023-05-13
33 瀏覽
今個星期係母親週🌹💐🌸🌺🌷所以尋日帶左媽子去食呢間精品養顏火鍋好好慰勞下媽子🍲💆🏻♀️呢間新開既懷舊玩味精品火鍋店位於深水埗站同南昌站嘅中間，離遠已經見到佢鮮橙色嘅裝修，非常之有特色！一坐低店員就俾咗兩杯酸梅湯俾我哋做welcome drink，佢哋而家做緊母親節promotion，可以優惠價叫花膠雞湯，仲會送雪燕椰汁奶凍做甜品～// 小食 //麻辣青瓜拌木耳 $68醉牛𦟌 $78好欣賞佢哋個醉牛腱，醃得好入味，隔離仲有炆得好稔嘅牛筋；平時唔太鍾意食青瓜，但係佢哋呢度嘅麻辣青瓜木耳做得幾好幾開胃，所以我地係個湯未滾之前都係咁夾嚟食🤣🤣🤣// 湯底 //雪燕花膠螺片鮮雞鍋 $438 （原價$688）佢哋呢一個雪燕花膠螺片雞鍋，原價係$688 ，但係因為母親節做緊promotion所以$438 ，雖然單價唔平，但係真係非常之足料，我同媽子全晚舀極都仲舀到入邊嘅鮮雞件、花膠，同埋響螺片😋😋喺放入其他食材前飲咗一大碗原汁原味嘅花膠雞湯，真係非常之正！🥹🥹店員之後加湯嘅時候都係加返原湯，所以全程個湯嘅味道都無變淡過，依然咁濃郁咁鮮甜！// 手切靚牛肉 //牛頸脊 $238/中 $298/大封門柳
一坐低店員就俾咗兩杯酸梅湯俾我哋做welcome drink，佢哋而家做緊母親節promotion，可以優惠價叫花膠雞湯，仲會送雪燕椰汁奶凍做甜品～
// 小食 //
麻辣青瓜拌木耳 $68
醉牛𦟌 $78
好欣賞佢哋個醉牛腱，醃得好入味，隔離仲有炆得好稔嘅牛筋；平時唔太鍾意食青瓜，但係佢哋呢度嘅麻辣青瓜木耳做得幾好幾開胃，所以我地係個湯未滾之前都係咁夾嚟食🤣🤣🤣
// 湯底 //
雪燕花膠螺片鮮雞鍋 $438 （原價$688）
佢哋呢一個雪燕花膠螺片雞鍋，原價係$688 ，但係因為母親節做緊promotion所以$438 ，雖然單價唔平，但係真係非常之足料，我同媽子全晚舀極都仲舀到入邊嘅鮮雞件、花膠，同埋響螺片😋😋喺放入其他食材前飲咗一大碗原汁原味嘅花膠雞湯，真係非常之正！🥹🥹店員之後加湯嘅時候都係加返原湯，所以全程個湯嘅味道都無變淡過，依然咁濃郁咁鮮甜！
// 手切靚牛肉 //
牛頸脊 $238/中 $298/大
封門柳 $238/中 $298/大
呢間舖頭主打新鮮嘅本地牛肉🥩🥩🥩，我哋試咗牛頸脊同埋封門柳 ，店員建議我哋先食咗牛頸脊之後再食封門柳 ，牛頸脊個牛味濃啲，封門柳嘅油脂就會香啲，媽子比較鍾意食牛頸脊，我自己就鍾意封門柳多啲，但係兩者個味道口感都係非常出色！🥰🥰
// 餃子拼盤 //
自創花雕醉雞餃 $58/3 $98/6
黑松露鮑魚餃 $78/3 $138/6
鮮蝦雲吞 $58/3 $98/6
黑豚肉韭菜餃 $48/3 $78/6
之後就到餃子拼盤，店員同樣都有建議我哋食嘅次序，由最淡味嘅花雕醉雞餃食到最濃味嘅黑豚肉韭菜餃～應該係第一次食花雕醉雞餃，花雕味好重好濃；黑松露鮑魚餃子亦都非常足料，個黑松露味好香；鮮蝦雲吞入邊嘅蝦同埋豬肉多到好似會迫爆個雲吞皮咁🤣🤣；Food Sec唔太鍾意食韭菜，但係呢度個韭菜豚肉餃個韭菜又唔會重味到令到我好反感，食落口都幾夾嘅！
// 其他邊爐配料 //
新鮮蔬菜拼盤 $88
自製脆炸響玲 $48/4 $68/6
淮山麵 $38
我哋都有試到佢哋嘅蔬菜拼盤、響鈴同埋淮山麵～蔬菜拼盤入邊有冬菇、粟米、娃娃菜同埋油麥菜，每一款都好新鮮好鮮甜；淮山麵沾滿晒花膠雞湯嘅湯汁食落口真係好幸福🥹🥹🥹🥹；好有智慧嘅媽子決定最後先落響鈴，咁就唔會太油😂😂個自家制響鈴都做得好唔錯，好香脆！
// 甜品 //
雪燕椰汁奶凍 （隨湯底送贈）
個花膠雞湯係會送埋一個雪燕椰汁奶凍嘅，雪燕嘅味道唔太濃，但係椰汁味好香，個奶凍都做得好滑！
// 飲品 //
竹蔗茅根雪梨水 $23
酸梅湯 $23
竹蔗茅根雪梨水好鮮甜，酸梅湯好開胃；唯一嘅缺點就係一杯係唔夠喉嘅🤣🤣🤣🤣所以如果你一班人嚟嘅話，建議大家都係order成jar啦！
嚟緊母親節，如果仲未諗好帶媽咪去邊度食嘅話，呢間餐廳嘅氣氛、服務、食物質素都應該會令各位母親大人非常滿意🤍🤍如果有興趣嘅話都可以book呢間試試！
如果你揸車過嚟嘅話，呢間餐廳係有六個專屬車位嘅，但係因為車位有限，最好book位嘅時候同佢哋講聲啦！😙😙
味道：👩🏻💻9/10
性價比：👩🏻💻7/10
環境：👩🏻💻8/10
張貼
