Little Napoli (已結業)

好耐冇食過好味到可以一塊接一塊嘅Pizza啦🤤最近就俾我發現到喺跑馬地入面嘅Little Napoli，主打用拿坡里傳統石窯烤爐烤嘅Pizza，係最正宗嘅拿坡里味道😍 今次試咗最經典嘅Margherita (HK$158) 同 Vesuviana ($218)，所有Pizza即叫即整，批邊係外脆內軟好有空氣感，仲有啲炭香，Pizza中心係濕軟。佢哋呢度係會成個Pizza上，然後再俾較剪你剪開嚟食，食食下好快就食曬成個Pizza😈 Margherita嘅蕃茄醬香濃得嚟帶少少酸，配埋水牛芝士同羊奶芝士啱啱好，一啲都唔膩👍🏻 另外Vesuviana係比較少見嘅白汁底Pizza，食落好香菠菜味，有少少辣，推介！之前都有食過其他出名嘅拿坡里Pizza但都幾失望，有啲個邊係燶曬食落係苦嘅，有啲個中間係濕到出曬水😪 所以話其實好食嘅Pizza真係好難搵。P.S. 佢哋係啱啱開業，所以營業時間可能會有啲浮動，暫時平日得夜晚開，weekend就開lunch同dinner。