阿來泰式地道風味

營業中

休息中

話說今日同老公去先達買電話配件， 買完都七點幾，見到對面呢一間泰國餐廳好多人排隊 ，個名仲要叫得自己地道泰國餐廳， 大廚應該對自己未到好有信心 ，就跟隊排埋一份。 好彩我哋得兩個人，所以都係排咗三個字左右就已經可以入去，睇餐牌見價錢唔算好平，但勝在免加一，好抵。有二人套餐 239至299, 但唔係咁啱食所以決定散叫 ，叫咗炸蝦餅，飛天通菜 ，炸軟殼蟹咖哩， 香葉辣肉碎蛋炒飯， 另加椰青，都係350左右。炸蝦餅有三大嚿對半，6塊，都幾大塊，幾好食，但如果在厚身一點會更合我口味。炸軟殼蟹咖哩， 咖哩帶椰汁味，不太辣， 咖哩 汁唔會太杰身， 亦不會過份水狀。本想另加蒜蓉包，但由於已叫了炒飯就打消念頭。飛天通菜有魚露紅辣椒等，夠鑊氣好味道炒飯係呢幾日入面價錢最平，但我這個人覺得最好味嘅 ,米飯炒到均勻，粒粒可見，加上大粒紅椒，唔好的人可自己挑出，味道唔會過咸或過辣，滿足大眾口味。免加一，套餐抵食，可大夥兒來。