Percent Kitchen & Fitness (已結業)

聽同事介紹黎呢間有健康特色既餐廳，因為我一收工就可以過黎間餐廳做gym, 你無睇錯，真係做gym, 做完再慢慢嘆野食。今日過到黎，仲有健身教練教埋我點做，pattern同set又係點玩，出左身汗先，然後個教練教我應該配合乜野飲食。一開始叫左杯Protein smoothies，係奇異世界，除左protein powder, 主要果汁係香蕉，奇異果同士多啤梨，最緊要成杯野唔甜，新鮮果汁加上凍涼感覺，卡路里低之餘，仲有蛋白質可以補充我既肌肉。主菜就食左份教練介紹既牛柳配薯蓉，牛柳係瘦牛柳，脂肪比例接近零，但肉質就唔會鞋口，唔會硬身，加上少量汁料令整體牛味更出，而薯蓉夠滑之外，仲充滿蛋白質，所以食得相當健康。