榮記粉麵

營業中

休息中

呢晚突然想食車仔麵，所以就揀咗呢間薄有名氣既車仔麵黎幫襯～估唔到既係夜晚8點幾9黎到都仲要排隊，但排隊既期間可以睇下門口既餐牌諗下食咩好等候既時間都唔覺得好奈。最後決定落單要咗4個餸粗麵：豬紅、牛筋、豬頸肉同埋墨魚丸！落咗單唔洗3分鐘就有得食，連埋個菜碗碗都連腩汁上！原本我都有少少唔開心因為落咗單先記得自己想走腩汁要清湯，但估唔到食落又幾好食因為佢地既腩汁1d都唔油唔咸啲餸都好正，叫咗4款餸款款都好多足料，另外個面又無皂水味，成個package都好滿意！最可惜就係試唔到佢既豆漿因為賣晒！