影片
更多
2010-07-12
18 瀏覽
10-7-2010之前睇過呢度的食評好似不錯, 是日收工食 lunch 好 random 地去了紅磡, 行去試海南雞飯途中見到呢間車仔麵店, 立即轉軚入嚟試試. 叫的三餸車仔麵係豬大腸 + 鳳爪 + 蟹籽包心丸, 再配沙爹汁, 麵底就係油麵... 最好食係鳳爪炆得入味, 食落腍身但又不失爽脆; 豬大腸鹵水味幾香, 唔太「臊」, 不過切得有點太細, 食落軟熟, 但無中軟腍帶咬口的感覺, 可以更好的; 蟹籽包心丸當然係來貨, 竟然做到好「流心」, 一咬即漏晒中間的甜甜哋橙色汁液 油麵煮得硬度剛好; 可惜沙爹汁只係面頭的「一 pat 嘢」, 雖然味道微甜微辣幾惹味, 但好快「融」了入湯底, 變得「加咗等於無加」...朋友的兩餸車仔麵係芝士腸 + 蘿白出前一丁加腩汁... 聞落勁香麻油味, 不過試了一箸麵, 淥得太腍身了; 唔知芝士腸同蘿白好唔好食?另叫了燒豬頸肉及招牌叉燒各一串 share 食, 叫時純粹口痕, 但原來全餐最好食係佢哋, 仲搞到要追加每樣各一串 燒豬頸肉: 勁熱, 幾油, 但肉汁豐盈, 質地亦爽身, 簡單「捽」了少少鹽喺面調味, 食落夠晒香口, 正 本身對豬頸肉一般,
之前睇過呢度的食評好似不錯, 是日收工食 lunch 好 random 地去了紅磡, 行去試海南雞飯途中見到呢間車仔麵店, 立即轉軚入嚟試試.
叫的三餸車仔麵係豬大腸 + 鳳爪 + 蟹籽包心丸, 再配沙爹汁, 麵底就係油麵... 最好食係鳳爪炆得入味, 食落腍身但又不失爽脆; 豬大腸鹵水味幾香, 唔太「臊」, 不過切得有點太細, 食落軟熟, 但無中軟腍帶咬口的感覺, 可以更好的; 蟹籽包心丸當然係來貨, 竟然做到好「流心」, 一咬即漏晒中間的甜甜哋橙色汁液 油麵煮得硬度剛好; 可惜沙爹汁只係面頭的「一 pat 嘢」, 雖然味道微甜微辣幾惹味, 但好快「融」了入湯底, 變得「加咗等於無加」...
朋友的兩餸車仔麵係芝士腸 + 蘿白出前一丁加腩汁... 聞落勁香麻油味, 不過試了一箸麵, 淥得太腍身了; 唔知芝士腸同蘿白好唔好食?
另叫了燒豬頸肉及招牌叉燒各一串 share 食, 叫時純粹口痕, 但原來全餐最好食係佢哋, 仲搞到要追加每樣各一串
燒豬頸肉: 勁熱, 幾油, 但肉汁豐盈, 質地亦爽身, 簡單「捽」了少少鹽喺面調味, 食落夠晒香口, 正 本身對豬頸肉一般, 但呢個真係燒得好好食, 值得試試.
招牌叉燒: 賣相紅 bok bok , 面頭沾滿麥芽糖, 食落香甜又黐牙, 哈哈 豬肉質地軟熟鬆化, 肉汁亦不少, 正
亦叫了一客「香草烤雞翼」: 燒得皮脆肉嫩滑, 香草 (係 thyme?) 味夠, 食落亦鹹香唔膩, 好食.
仲有兩杯豆漿, 夠凍, 甜度 ok, 豆味亦 ok, 收貨了.
食物不錯, 阿姐們亦幾友善有禮, 不過地方淺窄人又多, 食完快閃好了.
每人 $45 埋單, 會再嚟食燒物的.
張貼
