湯火功夫麻辣燙 (已結業)

湯火功夫全球門店有2700間！ 不過我都是第一次光顧，銅鑼灣店裝修新淨時尚，近窗位置仲有bar抬位，一個人食飯也很ok。這裡是劃餐紙點餐，類似車仔麵，先選擇湯底和麵底之後， 再在自選配料。 配料有葷有素，選擇都算多。而且帶位的阿姐都極度熱情，細心安排入座同埋介紹點樣嗌餸。湯底有4款，有招牌麻辣燙、泰式冬陰功 麻辣燙、和蕃茄麻辣燙，招牌麻辣可以揀拌麵，辣到同埋麻度都可以揀。我就選了招牌麻辣拌紅薯粉，配木耳（$7）蓮藕（$7）重慶酥肉（$16）。每碗麵上面都有芝麻、花生和蔥花，增加香氣。薯粉比較幼身軟淋，不像平時的薯粉咁有咬口，而且無湯的拌薯粉，放涼了有點黏在一起難夾開，可能用湯底會比較好點吧。蓮藕薄切，爽脆。肉類方面有比較少見的重慶酥肉，不過因為放在麵上面，炸衣都已經淋掉了，口感不酥。-另一碗選了招牌麻辣燙配河粉，湯底泛白，個人覺得更像擔擔面得湯底，因為有生花麻醬味，配菜點了菠菜（$7）薯仔片（$7）和肥牛（$16）。薯仔片也是薄切！飲品點了凍奶茶（$16）和凍華田（$16）。凍奶茶不錯喔！有港式奶茶味道！最喜歡的是它提供麻椒油調味料！