影片
更多
2018-11-07
242 瀏覽
禮拜三晚, 本來想上大帽山睇星🌟🌟, 最後得大大舊雲☁️☁️, 一肚氣後番元朗搵嘢食 黎到雞地, 諗過吔合興分店又或者羅東, 兩間都係心水膽💓💓經過呢間砵砵車仔麵, 見到佢門口光猛, 又有電視睇, 好, 就黎會一會你🤝 一入去就聽到好親切問候, “隨便坐🙌”, 然後又問隔離枱, “平時食開油麵, 今晚食乜?”, 後來搵番, 原來間舖已經有兩年 (成日經過都真心唔知咁耐)👀 抬頭望下牆邊, 其實都幾多花臣, 不過今日一枝公, 食番車仔麵算😄張點餸紙, 其實都幾多嘢玩, 未去到車品品咁複雜, 但比街尾合興起碼多兩欄😯 舖頭搞笑地, 將啲餸比咗唔同級, 唔係用錢, 係用LIKE 👍👍“滋味秘製”個欄, 有啲小後悔, 見到好多評語都講 “話梅豬手”🐷💪, 但我就點咗香茅豬扒、五香牛腩、豉油皇粉腸 (唔駛望, 講緊你呀, 粉腸)、魚皮餃、新鮮時菜。重點係咖喱汁+粗麵😍😍 上枱已經有小驚喜, 香茅豬扒分開上, 兜麵又排得靚靚咁🤩🤩 個咖喱汁上台已經好香, 一黎試左個湯頭先 (台灣係叫湯頭, 唔係湯底, 個字好似貼切啲), 個種香辣就似你平時去間靚既茶記比你既咖喱飯, 溶左落高湯度, 但又無膩口醬起左既
黎到雞地, 諗過吔合興分店又或者羅東, 兩間都係心水膽💓💓
經過呢間砵砵車仔麵, 見到佢門口光猛, 又有電視睇, 好, 就黎會一會你🤝
一入去就聽到好親切問候, “隨便坐🙌”, 然後又問隔離枱, “平時食開油麵, 今晚食乜?”, 後來搵番, 原來間舖已經有兩年 (成日經過都真心唔知咁耐)👀
抬頭望下牆邊, 其實都幾多花臣, 不過今日一枝公, 食番車仔麵算😄
張點餸紙, 其實都幾多嘢玩, 未去到車品品咁複雜, 但比街尾合興起碼多兩欄😯
舖頭搞笑地, 將啲餸比咗唔同級, 唔係用錢, 係用LIKE 👍👍
“滋味秘製”個欄, 有啲小後悔, 見到好多評語都講 “話梅豬手”🐷💪, 但我就點咗香茅豬扒、五香牛腩、豉油皇粉腸 (唔駛望, 講緊你呀, 粉腸)、魚皮餃、新鮮時菜。重點係咖喱汁+粗麵😍😍
上枱已經有小驚喜, 香茅豬扒分開上, 兜麵又排得靚靚咁🤩🤩 個咖喱汁上台已經好香, 一黎試左個湯頭先 (台灣係叫湯頭, 唔係湯底, 個字好似貼切啲), 個種香辣就似你平時去間靚既茶記比你既咖喱飯, 溶左落高湯度, 但又無膩口醬起左既質地🤯🤯
個咖喱, 後勁簡直凌厲, 慢慢令你體溫上升, 似你提住速黎跑全馬🏃♂️🏃♀️, 個份但又唔會見抽筋同難頂, 佢既辣無四川麻辣既痺, 亦唔係廣東辣豆瓣醬既爆香, 而係細水長流, 慢慢滲出黎既辣🌶️🌶️, 呢個咖喱真心無諗過係星期三在水中央既日子爆出, 小弟食到汗流浹背, 但真心爽💞💕
餸個度亦都唔錯, 香茅豬扒交到貨, 肉質鬆厚合適, 唔會霉, 又唔會太硬, 唔放入湯度係正確選擇; 粉腸, 其實係小意外, 本人想嗌大腸, 但粉腸做得靚, 煙韌無肥膏, 腸入面既粉又唔會太爛 (雖然小弟唔係粉腸控, 但表示欣賞), 五香牛腩其實就有啲太肥喇👅, 但都係靚料, 小弟覺得可以寫明係肥腩 至於魚皮餃, 我就唔知做乜變左雲吞, 無乜特別; 最後小失望係個菜, 太淋, 應該係烚係放左係度
舖頭其他既特色餸應該足以令我再探訪, 最後老闆娘一句, “得閒多啲黎”, 呢啲小溫馨, 點計都係加分位❤️🧡💛💚💙
五香牛腩
16 瀏覽
0 讚好
0 留言
豉油皇粉腸
26 瀏覽
0 讚好
0 留言
香茅豬扒
8 瀏覽
0 讚好
0 留言
張貼
