你妳 (已結業)

最近發現紅磡有一間靚靚的台灣手作店～專門係食芋頭吐司。因此今日專登安排晚飯就叫老公豬同我一齊買來試吓～由於本人係因為晚上有鹹嘢落肚！因此叫咗一個酥炸大雞扒蜜糖吐司同埋芋見紫薯吐司。酥炸大雞扒蜜糖芥末吐司：感覺超級濃郁，脆脆有口感的大雞扒，再配上甜甜鹹鹹的蜜糖芥茉醬汁。令到全個口感10分清新柔和。食多兩件都唔怕太飽。芋見紫薯吐司：絕對係一個招牌菜。偷聽到其他人叫外賣。總會出現呢一個吐司。香脆的麵包配上深紫色和淺紫色的餡料。分別有紫薯和芋頭。咬落去的時候軟綿綿，就好似食緊綿密濃郁的蛋糕一樣。但係感覺又健康好多。甜度適中。當甜品食真係一流。最抵+$20可以變成套餐～會包多杯嘢飲同埋一個小食。攞嚟做晚餐真係綽綽有餘。我就揀咗一口鹽酥雞配花枝丸和甜不辣地瓜薯條。鹽酥雞炸得啱啱又好香脆，花枝丸彈牙又有咬口。地瓜薯條新鮮炸好～熱辣辣兩杯嘢飲着都係高於水準之作～金鑽鳳梨綠茶，清新不會死甜，有淡淡的綠茶香。芋泥珍珠小芋圓：濃郁的芋泥配上白雪雪充滿椰香的椰汁，實在令人欲罷不能。