漁道樂 (已結業)

食肆要係尖沙咀突圍，真係唔容易，競爭大唔在講，客人食過唔滿意，又點會再來幫襯吖，呢間係金巴利道嘅「漁道樂」，每次慶祝或者聚會都係我首選之一👍🏻今晚咁喬仲有勁歌熱舞表演，客人都十分投入，氣氛好到飛起😍😍😍裝修夠特色，環境氣氛都令客人感受到東洋風，櫂櫂米的卡座，樓底夠高，空間感夠，店員都十分客氣有禮，詳細介紹各款新鮮空運到港海鮮食材😋首先點左三款刺身（每款$68）三文魚、北海道甜蝦、原隻帆立貝，新鮮好味，賣相精緻，全部食材新鮮空運到港，兩個人食啱啱好🤗海皇卷$98，咪以為普通嘢，呢度整得特別好味，就係食材新鮮，廚師手藝高超技術嘅關係，零舍不同，正😋浜燒蟹甲羅$68隻，大家都可能食得多，不過無論呢度賣相、顏色，同埋食材嘅新鮮程度，又係高下立見，店員熟練嘅技巧，為客人細心烹調，入口滋味又甘香，呢種品嚐食物嘅享受，先至係人生嘅最高境界🤗漁道樂活貝盛盒$388，一次過有齊五款海產，包括扇貝、活鮑魚、新鮮生蠔🦪、巨型花甲和原隻大魷魚🦑，目測已經好新鮮，尤其是鮑魚仲係郁下郁下😂巨型嘅花甲和活鮑魚，鮮甜美味，入口彷佛嚐到海水嘅真味，鮑魚燒嘅時間會長啲，食好嘢要有耐性架，大花甲就快少少，嘩！入口鮮、嫰、香