Kew+ Cake

營業中

休息中

今日去咗黃竹坑，行過見到有個Oasis Food Social，類似美食廣場，但未入去已被呢個餅櫃吸引咗。食完飯就買咗幾件餅，返屋企食。🌷草莓拿破崙拿破崙酥皮鬆化、微脆唔戒口，吉士醬滑身唔會太甜，酥皮和吉士醬，中間又夾住士多啤梨片，士多啤梨片薄而清甜。🌷巴斯克芝士蛋糕蛋糕的面層好似燒燶咗的顏色，當然唔會有燶的味道啦！芝士蛋糕口感比較軟身，帶少許水份，味道唔會太甜，但又會有芝士的香味。🌷朱古力脆脆卷甜品我好少揀朱古力，因為好驚好甜或者好膩。呢個食咗半個都唔覺膩，但就唔係好覺有脆脆口感，只係中間有啲朱古力粒有時會有少脆，同埋一啲圓形的白色粒粒，口感煙韌。🌷梳乎厘芝士蛋糕口感軟綿濕潤，芝士味較淡。食咗幾款甜品好滿足，味道都係偏向輕甜。而我自己較鍾意草莓拿破崙和巴斯克芝士蛋糕。